திங்கள், 1 ஏப்ரல், 2013

திருகுர்ஆன் மற்றும் ஹதிஸ்களின் வழியில் சுப்ஹான மவ்லித்..


அஸ்ஸலாமு அலைக்கும் அனைத்து முஸ்லிம் சகோதரர்களுக்கும்,

இன்று சிலர் ஸுப்ஹான மவ்லிது என்ற புத்தகத்தை வைத்துக் கொண்டு, ஸுப்ஹான மவ்லிது தவறு என்று விமர்ச்சனம் செய்து கொண்டு உள்ளார்கள், உண்மையில் எவர்கள் அவ்வாறு வெளியிடுகிறார்களோ குர் ஆன், ஹதிஸ்களில் ஞானம் இல்லாமல் வெளியிட்டு உள்ளார்கள், இதிலும் விமர்ச்சிபவர்கள் உண்மையான விளக்கத்தை தவறாக புரிந்து கொண்டு மற்றும் தெரிந்து கொண்டு மக்கள் இடையே தவறாக விமர்ச்சனம் செய்து உள்ளார்கள், இன்சா அல்லாஹ் ஸுப்ஹான மவ்லித்தில் இடம் பெற்றிருக்கும் வார்த்தைகள் குர் ஆன், ஹதிஸ் மற்றும் ஆதரபூர்வமான நூல்களில் இருந்து தான் தொகுக்கப்பட்டுள்ளது தான் என புரிந்து கொள்வீர்கள்.

விமர்ச்சிபவர்கள் வைக்கும் விமர்ச்சனம்:

பாவங்களை நபிகள் நாயகம் மன்னிக்க முடியுமா
كَفِّرُوْا عَنِّيْ ذُنُوْبِيْ
وَاعْفُ لِيْ عَنْ سَيِّئَاتِ
என் பாவங்களை நன்மைகளாக மாற்றுங்கள்!
என் தீமைகளை அலட்சியம் செய்யுங்கள்!
‘யா நபி (நபியே!)’ என்று அழைத்துப் பாடப்படும் முதல் பாடலின் சில வரிகள் இவை.
يَا مَنْ تَمَادَى وَاجْتَرَمْ
تُبْ وَاعْتَرِفْ وَارْجُ الْكَرَمْ
وَلُذْ بِمَنْ حَلَّ الْحَرَمْ
குற்றமும் பாவமும் செய்து விட்டவனே!
மன்னிப்புக் கேள்! குற்றத்தை ஒப்புக்கொள். அருளை எதிர்பார்.
சரணடைந்து விடு! (இத்தனையையும் ஹரமில் (மதீனாவில் தங்கியுள்ளவர்களிடம் கேள்!’
சல்லூ அலாகைரில் இபாத்’ என்ற பாடலின் சில வரிகள் இல்லை.
وَاعْطِفْ عَلَيَّ بِعَفْوٍ مِنْكَ يَشْمَلُنِيْ
உங்களின் மன்னிப்பை என் மீது சொரிந்து என் மீது அருள் புரியுங்கள்.

நமது பதில்:

وَمَا أَرْسَلْنَا مِن رَّسُولٍ إِلاَّ لِيُطَاعَ بِإِذْنِ اللّهِ وَلَوْ أَنَّهُمْ إِذ ظَّلَمُواْ أَنفُسَهُمْ جَآؤُوكَ فَاسْتَغْفَرُواْ اللّهَ وَاسْتَغْفَرَ لَهُمُ الرَّسُولُ لَوَجَدُواْ اللّهَ تَوَّابًا رَّحِيمًا

அல்லாஹ்வின் கட்டளைக்கு கீழ்படிவதற்காகவேயன்றி (மனிதர்களிடம்) நாம் தூதர்களில் எவரையும் அனுப்பவில்லை. ஆகவே அவர்கள் எவரும் தங்களுக்குத் தாங்களே அநியாயம் செய்து கொண்டு, உம்மிடம் வந்து அல்லாஹ்வின் மன்னிப்பைக்கோரி அவர்களுக்காக (அல்லாஹ்வின்) தூதராகிய (நீரும்) மன்னிப்புக் கேட்டிருந்தால் அல்லாஹ்வை மன்னிப்பவனாகவும், மிக்க கருணையுடையவனாகவும் அவர்கள் கண்டிருப்பார்கள். (4:64)

(நபியே!) நீர் கூறும்: “நீங்கள் அல்லாஹ்வை நேசிப்பீர்களானால், என்னைப் பின் பற்றுங்கள்; அல்லாஹ் உங்களை நேசிப்பான்; உங்கள் பாவங்களை உங்களுக்காக மன்னிப்பான்; மேலும், அல்லாஹ் மன்னிப்பவனாகவும், மிக்க கருணை உடையவனாகவும் இருக்கின்றான். திருக்குர்ஆன் 3:31)

விமர்ச்சிபவர்கள் வைக்கும் விமர்ச்சனம்:

நோய் நிவாரணம் தருவது நபிகள் நாயகமா?
اَلسَّلاَمُ عَلَيْكَ يَا مُبْرِى السَّقَامِ
‘நோய் நீக்குபவரே! உங்களுக்கு ஸலாம் உண்டாகட்டும்’
وَلَوْ تَكُوْنُ سَقِيْمًا
لَدَيْهِ بُرْءُ السَّقَامِ
‘நீ நோயாளியாக இருந்தால் அதற்கான நிவாரணம் அவரிடமே (நபியிடமே உள்ளது’
وَمَرِيْضًا اَنْتَ عَائِدُهُ
قَدْ اَتَاهُ اللّهُ بِالْفَرَجِ
‘(நபியே நீங்கள் எந்த நோயாளியை விசாரிக்கச் சென்றாலும் அல்லாஹ் அவருக்கு நிவாரணம் வழங்கி விடுவான்!’ என்றெல்லாம் ஸுப்ஹான மவ்லிதில் கூறப்பட்டுள்ளது..


நமது பதில்:

ஈஸா (அலை) அவர்கள் நோய்களை குணப்படுதுவர்கள். (அல்குர்ஆன் : 3. 49)

ஜுஅய்த் இப்னு அப்திர் ரஹ்மான்(ரஹ்) அறிவித்தார்கள் சாயிப் இப்னு யஸீத்(ரலி) அவர்களைத் தொண்ணூற்று நான்கு வயது உடையவர்களாக, (அந்த வயதிலும்) திடகாத்திரமானவர்களாக (கூன் விழாமல்) முதுகு நிமிர்ந்தவர்களாக கண்டேன். அவர்கள், 'எனக்குக் கேள்விப்புலன் மற்றும் பார்வைப் புலனின் நலம் அல்லாஹ்வின் தூதரின் பிரார்த்தனையால் தான் வழங்கப்பட்டுள்ள என்பதை நான் அறிந்திருக்கிறேன். என் தாயின் சகோதரி என்னை நபி(ஸல்) அவர்களிடம் அழைத்துச் சென்று, 'இறைத்தூதர் அவர்களே! என் சகோதரியின் மகன் நோயுற்றிருக்கிறார். இவருக்காக அல்லாஹ்விடம் பிரார்த்தித்யுங்கள்' என்று கூறினார்கள். எனவே, நபி(ஸல்) அவர்கள் எனக்காக பிரார்த்திதார்கள்" என்று கூறினார்கள். (இமாம் புஹாரி(ரஹ்)

அபூ ஹுரைரா(ரலி) அறிவித்தார்கள் இறைத்தூதர் அவர்களே! நான் தங்களிடமிருந்து ஏராளமான பொன் மொழிகளைக் கேட்கிறேன். (ஆயினும்) அவற்றை மறந்து விடுகிறேன் என நான் நபி(ஸல்) அவர்களிடம் முறையிட்டேன். அதற்கு 'உம்முடைய மேலங்கியை விரியும்' என்று இறைத்தூதர்(ஸல்) அவர்கள் கூறினார்கள். நானும் அதனை விரித்தேன். தம் இரண்டு கைகளாலும் இரண்டு கை நிறையளவு அள்ளி (எடுப்பது போன்று பாவனை செய்து)விட்டுப் பின்னர், 'அதனை (நெஞ்சோடு) நீர் அணைத்துக் கொள்வீராக!" என்றார்கள். நானும் உடனே அதனை என் நெஞ்சுடன் அணைத்துக் கொண்டேன். அதன் பின்னர் நான் எதனையும் மறந்ததே இல்லை" என அபூ ஹுரைரா(ரலி) அறிவித்தார்கள்.(இமாம் புஹாரி(ரஹ்))

அல்லாஹ்வின் தூதர் (ஸல்) அவர்கள் (யாரேனும் ஒரு) மனிதருக்கு உடல்நலக் குறைவு ஏற்பட்டால், அல்லது கொப்புளேமா காயேமா ஏற்பட்டால், தமது ஆட்காட்டி விரலைப்
பூமியில் வைத்து (மண்ணைத் தொட்டு) விட்டு அதை உயர்த்தி, "அல்லாஹ்வின் பெயரால்!எங்களில் சிலரது உமிழ்நீரோடு எமது இந்தப் பூமியின் மண் (இணைந்தால் அது) எங்கள்
இறைவனின் ஆணையின் பேரில் எங்களில் நோயுற்றிருப்பவரைக் குணப்படுத்தும்'' என்று கூறுவார்கள்.இமாம் முஸ்லிம்(ரஹ்)

உஸ்மான் இப்னு ஹுனைப்(ரலி) அவர்கள் குறிப்பிடுகின்றார்கள். ஒரு தடவை, கண்பார்வையற்ற ஒரு மனிதர் நபி (ஸல்) அவர்களிடம் வந்து, யாரசூலல்லாஹ்! என்னைக் குணப்படுத்தும்படியாக அல்லாஹ்விடம் துஆச் செய்யுங்கள்!! என வேண்டிக் கொண்டார். அதற்கு நபியவர்கள், நீ விரும்பினால் உனக்காக பின்னர் துஆச் செய்கின்றேன். அது உனக்கு சிறந்ததாக அமையும். அல்லது இப்போதே விரும்பினால் அதை செய்கிறேன் என்று கூறினார்கள். இப்போதே துஆச் செய்யுங்கள்!! என அவர் வேண்டிக் கொண்டார்.
நபியவர்கள் எழுந்து, அம்மனிதரை உழுச் செய்யுமாறு ஏவினார்கள். பூரணமாக உழு செய்தபின், இரண்டு ரஅகத்துகள் தொழச் சொன்னார்கள். அதன்பின் இவ்வாறு பிரார்த்தியுங்கள் என்று கீழ்க்காணும் துஆவை கற்றுக் கொடுத்தார்கள்: யாஅல்லாஹ்! நிச்சயமாக நான் நபிமார்களுக்கெல்லாம் அருளான முஹம்மத் (ஸல்) அவர்களின் பொருட்டினால் உன்னை முன்னோக்கிக் கேட்கிறேன். முஹம்மதே! நிச்சயமாக நான் எனது குறித்த தேவை நிறைவேற்றப்படுவதற்காக தங்களைக் கொண்டு எனது இரட்சகனிடம் முன்னோக்கியுள்ளேன். யாஅல்லாஹ்! எனது விடயத்தில் அவரை பரிந்துரைக்கச் செய்வாயாக!!இமாம் நஸயி(ரஹ்), இமாம் பைஹகீ(ரஹ்), இமாம் தபரானீ(ரஹ்), இமாம் திர்மிதீ(ரஹ்), இமாம் ஹாகிம்(ரஹ்)


இன்னும் பல ஹதிஸ்கள் உள்ளது, அதை எல்லாம் இப்போதைக்கு பதிக்க முடியாது, ஏனென்றால் அது எல்லாம் குர்ஆனுக்கு முரணாக உள்ளது என்று கட்டுகதைகளை அவர்களை கண்மூடித்தனமாக பின்பற்றுபவர்களிடம் சொல்லி அந்த ஸஹிஹ்வான ஹதிஸையும் தூக்கி எறிந்து விடுவார்கள் என்ற அச்சத்தில் பதிக்க விருப்பமில்லை,

மறுப்பவர்கள் வைக்கும் விமர்ச்சனம்:

உணவளிக்கும் அதிகாரம் நபிகள் நாயகத்துக்கு உண்டா?
بَسَطْتُّ كَفَّ فَاقَتِيْ وَالنَّدَمِ
اَرْجُوْ جَزِيْلَ فَضْلِكُمْ وَالْكَرَمِ
مُسْتَشْفِعًا نَزِيْلَ هَذَالْحَرَمِ
فَلاَحِظُوْنِيْ بِدَوَامِ الْمَدَدِ
فَاَنْجِدُوالْمِسْكِيْنَ قَبْلَ الْغَرَقِ
وَاَطْفِئُوْا بِالْبَسْطِ وَهْجَ الْحُرَقِ
وَاَبْرِدُوْا بِاللُّطْفِ حَرَّ الْكَبِدِ
எனது வறுமை, கவலை காரணமாகக் கையேந்துகிறேன்.
உங்களின் அளப்பரிய அருளையும், வள்ளல் தன்மையையும் நான் நம்பியுள்ளேன்.
இந்த ஹரமில் (மதீனாவில் தங்கியிருக்கும் உங்களின் பரிந்துரையை வேண்டுகிறேன்.
என்னை நிரந்தரமான உதவி கொண்டு கவனித்து விடுங்கள்!
மூழ்குவதற்கு முன் இந்த ஏழையைக் காப்பாற்றி விடுங்கள்!
உங்கள் தாராளத் தன்மையால் எரியும் வெப்பத்தை அணைத்து விடுங்கள்!
உங்கள் இரக்கத்தால் ஈரலின் வெப்பத்தைக் குளிரச்செய்யுங்கள்!
اِنَّا بِهِ نَسْتَجِيْر
فِيْ دَفْعِ كُلِّ انْتِقَامِ
எல்லாத் துன்பங்களையும் நீக்கிட அவரிடம் நாம் அடைக்கலம் தேடுகிறோம்.

இந்த வரியில் உள்ள மற்றொரு தவறாகும்.
ضَاقَتْ بِيَ الاَسْبَابُ
فَجِئْتُ هَذَا الْبَابَ
اُقَبِّلُ الاَعْتَابَ
اَبْغِيْ رِضاَ الاَحْبَابَ
وَالسَّادَةِ الاَخْيَارِ
அல்லாஹு ஃகாலிகுனா என்று துவங்கும் பாடல் வரிகள் இவை!
இதன் பொருள் வருமாறு:
வாழ்க்கைச் சாதனங்கள் எனக்குச் சுருங்கிவிட்டன. எனவே இந்த வாசலுக்கு வந்துவிட்டேன்.

இவை யாவும் ஸுப்ஹான மவ்லிதில் காணப்படும் நச்சுக் கருத்துக்கள்!

நமது பதில்:

நபி(ஸல்) அவர்களின் காலத்தில் ஒரு முறை மக்களைப் பஞ்சம் வாட்டியது. ஜும்ஆ நாளில் நபி(ஸல்) அவர்கள் சொற்பொழிவு நிகழ்த்திக் கொண்டிருந்தபோது ஒரு கிராமவாசி எழுந்து, 'இறைத்தூதர் அவர்களே! செல்வங்கள் அழிந்துவிட்டன. குழந்தை குட்டிகள் பசியால் வாடுகின்றனர். எனவே எங்களுக்காக அல்லாஹ்விடம் பிரார்த்தியுங்கள்' என்று கூறினார். நபி(ஸல்) அவர்கள் தங்களின் இரண்டு கைகளையும் உயர்த்தி தம் இரண்டு கைகளையும் உயர்த்தினார்கள். அந்த நேரத்தில் வானத்தில் எந்த மழை மேகத்இயும் நாங்கள் பார்க்கவில்லை. என் உயிர் எவனுடைய கைவசனம் உள்ளதோ அவன் மேல் ஆணையாக நபி(ஸல்) அவர்கள் தம் கைகளைக் கீழே இறக்கும் முன்பாக மலைகளைப் போல் மேகங்கள் திரண்டு வந்தன. நபி(ஸல்) அவர்கள் மிம்பரிலிருந்து இறங்குவதற்குள்ளாக மழை கொட்டி அவர்களின் தாடியிலிருந்து வழிந்ததை நான் பாத்தேன். அன்றைய தினமும் அதற்கடுத்த நாளும் அதற்குமடுத்த நாளும் அதற்கு மறு ஜும்ஆ வரையிலும் எங்களுக்கு மழை பொழிந்தது.
(மறு ஜும்ஆவில்) அதே கிராமவாசி அல்லது வேறொருவர் எழுந்து 'இறைத்தூதர் அவர்களே! கட்டிடங்கள் இழுந்து விழுகின்றன. செல்வங்கள் மூழ்குகின்றன. எனவே எங்களுக்காக அல்லாஹ்விடம் பிரார்த்தியுங்கள்" என்றார். நபி(ஸல்) அவர்கள் தங்களின் கைகளை உயர்த்தி 'இறைவா! எங்கள் சுற்றுப் புறங்களை நோக்கி (இதை அனுப்புவாயாக!) எங்களுக்குக் கேடு தருவதாக (இம்மழையை) ஆக்கி விடாதே!" என்று கூறினார்கள். மேகம் உள்ள பகுதியை நோக்கி நபி(ஸல்) அவர்கள் சைகை செய்த போதெல்லாம் அம்மேகம் விலகிச் சென்றது. மதீனா நகர் பெரும் பள்ளமாக மாறியது. (இம்மழையால்) 'கனாத்' எனும் ஓடை ஒரு மாதம் ஓடியது. பல்வேறு பகுதிகளிலிருந்து வருபவர்களும் இம்மழையைப் பற்றிப் பேசாமலிருந்ததில்லை என அனஸ் இப்னு மாலிக்(ரலி) அறிவித்தார்கள்(இமாம் புஹாரி(ரஹ்))

நபி(ஸல்) அவர்களின் காலத்திற்கு பிறகு உமர்(ரலி) அவர்களின் காலத்திலும் நபி(ஸல்) அவர்கள்:

உமர்(ரலி) அவர்களின் வாழ்கை வரலாறு:

மக்களே.., உங்களது ஆட்சியாளரின் கவனக் குறைவு காரணமாக இந்த தண்டனை இறங்கியிருக்கின்றதா அல்லது மக்களின் பாவங்களின் காரமணாக இந்த வேதனையை நாம் அனுபவித்துக் கொண்டிருக்கின்றோமா என்பது தெரியவில்லை. பாவத்தைச் சுமக்கின்றவர்கள் அனைவரும் இறைவனிடம் பிராயச்சித்தம் தேடிக் கொள்ளுங்கள், இந்த கடுமையான சூழ்நிலையிலிருந்து நம்மைப் பாதுகாக்கும்படி இறைவனிடம் மன்றாடிக் கேட்டுக் கொள்ளுங்கள் என்று கூறக் கூடியவர்களாக இருந்தார்கள்.

பிலால் பின் ஹாரிஸ்(ரலி) என்ற பனூ மஸ்னி கோத்திரத்தைச் சேர்ந்த ஒருவர் ஒரு ஆட்டை அறுத்தார், அறுத்த அந்த ஆட்டில் எலும்பைத் தவிர வேறொன்றுமில்லை என்ற அளவுக்கு அங்கே பஞ்சம் தலைவிரித்தாடியது. அன்றைய இரவில் அவர் இறைத்தூதர் (ஸல்) அவர்களைக் கனவில் கண்டார். அந்தக் கனவில்..,

உமரிடம்(ரலி) சென்று எனது இந்தச் செய்தியைத் தெரிவித்து விடுங்கள். மார்க்கத்தில் அவரை உறுதியாக இருக்கின்றார். இந்த சோதனையை விட்டும் விலகிக் கொள்வதற்கு மேலும் மார்க்கத்தில் உறுதியாக இருக்கும்படி அவரிடம் கூறுங்கள் என்று அந்தக் கனவில் இறைத்தூதர் (ஸல்) அவர்கள் பிலால் பின் ஹாரிஸ் (ரலி) அவர்களிடம் கூறினார்கள்.

இறைத்தூதர் (ஸல்) அவர்கள் தெரிவித்த இந்த செய்தியை உமர் (ரலி) அவர்களிடம் பிலால் பின் ஹாரிஸ் (ரலி) அவர்கள் தெரிவித்து விடுகின்றார்கள். இந்தச் செய்தியின் மூலமாக கிடைக்கின்ற படிப்பினை என்ன என்பதனை உமர் (ரலி) அவர்களால் சரியாக ஊகித்துக் கொள்ள முடியவில்லை. ஒருவேளை தன்னிடம் ஏதேனும் பொடுபோக்குத் தனங்கள் இருப்பதாக இறைத்தூதர்(ஸல்) அவர்களின் இந்தச் செய்தி தெரிவிக்கின்றதோ என்றும் கருதலானார்கள். இறையச்சத்தின் காரணமாக அவரது உடல் நடுங்கிற்று. பள்ளிவாசலுக்குச் சென்ற உமர் (ரலி) அவர்கள், தன்னிடம் ஏதேனும் குறைகள் காணப்படுகின்றனவா என்று மக்களிடம் விசாரிக்க ஆரம்பித்தார்கள். உங்களிடம் எந்த பலவீனங்களும் காணப்படுவதாக எங்களால் அறிய முடியவில்லை என்று மக்கள் கூறலனார்கள்.

பின்னர், மக்கள் ஒன்று சேர்ந்து.., உமரே.., இந்தக் கேள்வியை எங்களை நோக்கி வீசக் காரணம் என்ன? என்று கேட்டார்கள். அதற்கான அவசியம் என்ன வந்து விட்டது உங்களுக்கு என்றார்கள். அதன் பின்னர் பிலால் பின் ஹாரிஸ் (ரலி) அவர்களை அழைத்த உமர் (ரலி) அவர்கள், அந்த கனவை மக்களுக்கு விளக்கப்படுத்துமாறு கேட்டுக் கொண்டார்கள். பிலால் (ரலி) அவர்கள் அந்தக் கனவைக் கூறி முடித்தவுடன், அங்கிருந்த நபித் தோழர் ஒருவர் எழுந்திருந்து, அமீருல் முஃமினீன் அவர்களே.., இந்தச் செய்தியில் உங்களுக்கு எதிராக எதுவும் காணப்படவில்லை. நம்மைச் சுற்றி இருக்கின்ற இந்த பஞ்சம் நம்மை விட்டு அகல்வதற்காக இஸ்திஸ்கா என்ற மழைத் தொழுகையைத் தொழும்படித் தான் இறைத்தூதர் (ஸல்) அவர்கள் நம்மை அறிவுறுத்தி இருக்கின்றார்கள் என்று விளக்கமளித்தார்.

அதன் பின்னர் உமர் (ரலி) அவர்கள் ஒருநாளை நிர்ணயித்து, அந்த நாளில் மழைத் தொழுகை தொழப்படும் என்று அறிவிப்புக் கொடுத்தார்கள். அன்றைய நாளில் முஸ்லிம்கள் வாழும் பிரதேசங்கள் எங்கும் சிறப்பான மழைத் தொழுகையை தொழ வேண்டும் என்ற உத்தரவையே உமர் (ரலி) அவர்கள் வழங்கினார்கள். மதீனாவில் முஸ்லிம்கள் மழைத் தொழுகைக்கான ஒன்று கூடினார்கள். அன்று நடந்த தொழுகையில் உரையாற்றிய உமர் (ரலி) அவர்கள் :

நாம் பாவங்கள் செய்தவர்களாகி விட்டோம். நம்முடைய பாவங்களுக்கு பிராயச்சித்தமாக இறைவனிடம் பாவ மன்னிப்புக் கேட்டுக் கொள்ளுங்கள். யா அல்லாஹ்..! உன்னையே நாங்கள் வணங்குகின்றோம்.., உன்னிடமே உதவி கோருகின்றோம். யா அல்லாஹ் எங்களது பாவங்களை மன்னிப்பாயாக.., எங்கள் மீது கருணை காட்டுவாயாக, எங்கள் மீது இரக்கம் காட்டுவாயாக..!

இவ்வாறாக மழைத் தொழுகை நடத்தி முடிக்கப்பட்டதன் பின், ஒரு வார காலத்திற்குள் மதீனாவின் வான் பரப்பில் மேகங்கள் சூழத் துவங்கின. கன மழை பொழிந்தது. இதன் பின்னர், உமர் (ரலி) அவர்கள் இறைவனுக்கு நன்றி செலுத்துமுகமாக சிறப்புத் தொழுகையையும் நடத்தினார்கள். மழைக்குப் பின்னர் நிலைமைகள் முற்றிலும் மாறியது, பஞ்சம் நீங்கியது. மிகவும் கடுமையானதொரு சூழ்நிலையில் உமர் (ரலி) அவர்கள் மிகவும் சமர்த்தியமான முறையில் உமர் (ரலி) அவர்கள் ஆட்சியை நிர்வகித்தார்கள் என்பது குறிப்பிடத்தக்கது


ஹஸரத் பிலால்(ரலி) அவர்கள் நாயகம் ஸல்லல்லாஹு அலைஹி வஆலிஹி வஸல்லம் அவர்களுடன் நீண்ட காலம் இருந்தார்கள். இஸ்லாமிய சட்டங்களை நேரடியாகவே நாகயம் ஸல்லல்லாஹு அலைஹி வஆலிஹி வஸல்லம் அவர்களிடமிருந்து பெற்றுக் கொண்டவர்கள் என நாம் அறிவோம். ஆகவே நாகயம் ஸல்லல்லாஹு அலைஹி வஆலிஹி வஸல்லம் அவர்களை அழைத்தல் அவர்கள் மூலம் தவஸ்ஸுல் தேடுதல் ஷிர்க் என்றிருந்திருந்தால் நிச்சயமாக ஹஸரத் பிலால் அவர்கள் இதைச் செய்திருக்க மாட்டார்கள். அறிந்திருந்து செய்திரந்தால் நிச்சயமாக ஏனைய சஹாபாக்கள் அவரை இதை விட்டும் தடுத்திருப்பார்கள். இதுவே நாயகம் ஸல்லல்லாஹு அலைஹி வஆலிஹி வஸல்லம் அவர்கள் மூலம் தவஸ்ஸுல் தேடுவது ஆகும் என்பதற்கு ஆணித்தரமான ஆதாரமாகும்.

உமர் இப்னு கத்தாப் அவர்களது காலத்தில் தண்ணீர்ப் பஞ்சம் ஏற்பட்ட போது, அப்பாஸ் இப்னு அப்துல் முத்தலிப் அவர்கள் மூலம் மழை தேடிப் பிரார்த்தித்துள்ளார்கள். யாஅல்லாஹ்! நாங்கள் உனது நபியின் பொருட்டினால் தண்ணீர் வேண்டிய போதெல்லாம் நீ எமக்கு மழையைத் தருவித்தாய். இப்போது அந்த நபியினது பெரிய தந்தையின் பொருட்டினால் கேட்கின்றோம். எமக்கு மழையை அருள்வாயாக|| இப்பிரார்த்தனையின் பின் அவர்கள் மீது அல்லாஹ்வினால் மழை பொழியப்பட்டது.
மேலும்
அனஸ்(ரலி) அறிவித்தார். மக்களுக்குப் பஞ்சம் ஏற்படும் பொழுது உமர்(ரலி), அப்பாஸ்(ரலி) மூலம் (அல்லாஹ்விடம்) மழை வேண்டுபவர்களாக இருந்தனர். 'இறைவா! நாங்கள் எங்கள் நபியை உன்னிடம் பிரார்த்திக்கக் கோருவோம். நீ எங்களுக்கு மழை வழங்கினாய். (இப்போது) எங்கள் நபியின் தந்தையின் உடன் பிறந்தாரை உன்னிடம் பிரார்த்திக்கக் கோருகிறோம். எங்களுக்கு மழை வழங்குவாயாக!' என்று உமர்(ரலி) கூறுவார்கள். அவர்களுக்கு மழை பொழியும்.(இமாம் புஹாரி(ரஹ்))


'மதினா மக்கள் கடும் வரட்சியால் கஷ்டப்பட்டுக் கொண்டிருந்தனர். இதனால் அவர்கள் தங்களின் கஷ்டங்களை அன்னை ஆயிஷா(ரலி) நாயகியிடம் முறையிட்டார்கள்: அதைக் கேட்ட அவர் நாகயம் ஸல்லல்லாஹு அலைஹி வஆலிஹி வஸல்லம் அவர்களின் கப்ரைப் பார்த்தவர்களாக இடையில் ஏதும் தடையில்லாது வானத்தைப் பாருங்கள் (அவர்களை அல்லாஹ்விடம் ஷபாஅத் செய்வதற்காக கொண்டு செல்லுங்கள்)அவர்களும் அப்படியே செய்தார்கள் இந்த தவஸ்ஸுலின் முடிவாக வானத்தில் மழை பெய்யத் தொடங்கியது. புற்கள் முலைத்தன. ஒட்டங்கள் அதை உண்டன. ஆதனால் கொழுப்புக்கள் அதிகரித்து அவைகள் குண்டாகின. இதனால் அந்த ஆண்டு 'தெளிந்த ஆண்டு' என பெயர் சூட்டப்பட்டது. (இமாம் தாரமி(ரஹ்))

ஆனால் பொய்யர்கள் நபி(ஸல்) அவர்களின் முஹப்பத்தை முழுவதுமாக நமது இதயத்திலிருந்து எடுக்க வேண்டும் என்பதற்காக கொஞ்ம் கொஞ்மாக விசகருத்துகளை நமது மனதில் விதைத்து கொண்டு இருக்கிறார்கள் எனபது தான் உண்மை.


விமர்ச்சிப்பவர்கள் வைக்கும் விமர்ச்சனம்:

مَازَالَ نُوْرُ مُحَمَّدٍ مُتَنَقِّلاً
فِى الطَّيِّبِيْنَ الطَّاهِرِيْنَ ذَوِى الْعُلاَ
حَتَّى لِعَبْدِ اللّهِ جَاءَ مُطَهَّرًا
وَبِوَجْهِ آمِنَةٍ بَدَا مُتَهَلِّلاً
ஆதரிக்க முடியாத இந்தப் பாடல்களைத் தான் வணக்கம் என்று நாம் செய்து வருகிறோம்.
وَضَعَتْهُ آمِنَةٌ وَلَمْ يَشْعُرْ بِهَا
اَحَدٌ عَنْ عُيُوْنِ الْحُسَّدِ
பொறாமைக்காரர்களின் கண்களை விட்டும் மறைப்பதற்காக ஆமினா அவர்கள் யாருமே அறியாத வகையில் நபியவர் களைப் பெற்றெடுத்தார்கள் என்பது இந்த வரியின் பொருள்
ஸுப்ஹான மவ்லூதில் இடம்பெறும் கொசுறுக் கவிதை இது. முஹம்மது(ஸல்) அவர்களின் ஜோதி உள்ளும் புறமும் தூயவர்களான உயர்ந்தவர்களிடையே மாறிமாறி இடம்பெற்று வந்து முடிவில் அப்துல்லாஹ்விடம் வந்து சேர்ந்தது. அதன் பின் ஆமினாவின் முகத்தில் பிரகாசமாய் வந்தடைந்தது.
என்பது இதன் பொருள்.

நமது பதில்:

வேதமுடையவர்களே! மெய்யாகவே உஙகளிடம் நம்முடைய தூதர் வந்திருக்கின்றார்; வேதத்திலிருந்து நீங்கள் மறைத்துக் கொண்டிருப்பவற்றில் பல விஷயங்களை அவர் உங்களுக்கு விளக்கிக் காட்டுவார். இன்னும், (இப்பொழுது தேவையில்லாத) அநேகத்தை விட்டுவிடுவார். நிச்சயமாக அல்லாஹ்விடமிருந்து பேரொளியும், தெளிவுமுள்ள (திருக் குர்ஆன் என்னும்) வேதமும் உங்களிடம் வந்திருக்கின்றது.( திருக்குர்ஆன் 5:15)

இதில் பேரொளி என்பது நபி(ஸல்) அவர்கள் தான் என்பதை திர்குர் ஆன் விரிவுரையாளர்கள் விளக்கம் அளித்துள்ளார்கள்

நபி(ஸல்) அவர்கள் கூறினார்கள் என இப்னு ஸாரியா(ரலி) அவர்கள் அறிவிக்கிறார்கள் என்னை என் தாய் பெற்றெடுக்கும் போது ஒரு பேரொளி என்னுடைய தாயின் உடலிறிந்து வெளிப்பட்டு அது சிரியாவின் கோட்டை வரை சென்றது(இமாம் பைஹகி(ரஹ்),இமாம் ஹைதமி(ரஹ்),இமாம் அஹமது(ரஹ்), இமாம் ஹாகிம்(ரஹ்)..)

அல்லாஹ், ஆதம்(அலை) அவர்களை படைக்கும்போது, எனக்கு என்னுடைய வழித்தோன்றல்களை அறிவித்து கொடுத்தான், அந்த நேரத்தில் ஆதம்(அலை) அவர்கள் ஒருவர் மற்றவர்களைவிட மேன்மையாக இருந்தார்கள், இறுதியில் அவர் என்னை பிரகாசமாக ஒளிர்வதைப் பார்த்தார்கள், அப்போது ஆதம்(அலை) அவர்கள் அல்லாஹ்விடம் இது யார் என்று கேட்டார்கள், அப்போது அல்லாஹ் இவர்தான் உனது முதல் சந்ததியான அஹமது இறுதியில் வரக்கூடியவர்கள் ஆவார்கள், மேலும் மறுமையில் இவர் தான்  பரிந்துரை செய்வதில் முதலாவது மனிதர் ஆவார்கள் என நபி(ஸல்) அவர்கள் கூறியதாக அபூஹுரைரா(ரலி) அவர்கள் அறிவிக்கிறார்கள்(இமாம் பைஹகி(ரஹ்)

என் ஒளியை வலிமையாக்குவாயாக என நபி(ஸல்) கூறியதாக இப்னு அப்பாஸ்(ரலி) அவர்கள் அறிவிக்கிறார்கள்,(இமாம் முஸ்லிம்(ரஹ்)

அப்துல்லாஹ்(ரலி) அவர்களின் இரண்டு கண்களின் இடையில் இருந்த  ஒளி, ஆமினா(ரலி) அவர்களிடம் வந்தடைந்தது என  உம்மு காதால்(ரலி) அவர்கள் அறிவிக்கிறார்கள்( ஹதிஸின் சுருக்கம் இமாம் இப்னு கதீர்(ரஹ்)

இதிலிருந்து சுப்ஹான மவ்லிதில் பாடப்பட்ட கவிதை மேலுள்ள ஹதிஸ்களின் நூல்களிலிருந்து பெறப்பெட்டவையாகும்.

விமர்ச்சிப்பவர்கள் வைக்கும் விமர்ச்சனம்:

அபத்தங்கள்
اَقْسَمْتُ فِى نَصْرِيْ بِكُمْ عَلَيْكُمُ
இந்த வரி ஸுப்ஹான மவ்லூதில் யாமுஸ்தபா’ என்று துவங்கும் பாடலில் இடம் பெற்றுள்ளது.

‘நீங்கள் எனக்கு உதவி செய்ய வேண்டும் என்று உங்கள் மீதே நான் சத்தியம் செய்கிறேன்’ என்பது இந்த வரியின் பொருள்.

நமது பதில்:

 (நபியே!) உம் உயிர் மீது சத்தியமாக, நிச்சயமாக அவர்கள் தம் மதிமயக்கத்தில் தட்டழிந்து கொண்டிருந்தார்கள்.( திருக்குர்ஆன் 15:72)

இதில் அல்லாஹ் தெளிவாக நமக்கு விளக்கி கொடுக்கின்றான்,

குர் ஆனிலிருந்து பெறப்பட்ட வார்த்தைத்தான் ஸுப்ஹான் மவ்லிதில் இடம் பெற்றுள்ளது தவிர..சுயமாக யாரும் கூறவில்லை, திரு குர் ஆன் வசனம் கூட தெரியாமல் ஸுப்ஹான மவ்லித்தில் தவறு இருக்கிறது என்று கூறுவது தவறு. குர் ஆனுக்கும், ஹதிஸிற்கும்  மாற்றமாக யாரும் கூறவில்லை

விமர்ச்சிபவர்கள் வைக்கும் விமர்ச்சனம்:

وَاَنْتَ حَقًّا غِيَاثُ الْخَلْقِ اَجْمَعِهِمْ
‘உண்மையாகவே நீங்கள் அனைத்துப் படைப்பினங்களுக்கும் இரட்சகராக இருக்கிறீர்கள் என்ற வரியும்,
لَهُ جَزِيْلُ الْهِبَاتِ
مِنْهَا نَعِيْمُ الدَّوَامِ
அவர்களுக்கு ஏராளமான அருட்கொடை வழங்குதல் உள்ளது. நிரந்தரமான அருட்கொடையும் அவற்றில் ஒன்றாகும்’ என்ற வரியும்

நமது பதில்:

(நபியே!) நாம் உம்மை அகிலத்தாருக்கு எல்லாம் ரஹ்மத்தாக - ஓர் அருட் கொடையாகவேயன்றி அனுப்பவில்லை.( திருக்குர்ஆன் 21:107)

இந்த குர் ஆன் வசனம் தெரியாமல் இருந்து கொண்டு ஸுப்ஹான மவ்லித்தில் தவறு என்று கூறுவது மிக்ப் பெரும் தவறு.

விமர்ச்சிபவர்கள் வைக்கும் விமர்ச்சனம்:

فَرَوِّحُوْا رُوْحِيْ بِكَشْفِ الْكُرَبِ
சிரமங்களை(கவலைகள்,துன்பங்கள்) நீக்குவதன் மூலம் என் உயிருக்கு நீங்கள் சுகமளியுங்கள் என்ற வரியும்.

நமது பதில்:

(முஃமின்களே!) நிச்சயமாக உங்களிலிருந்தே ஒரு தூதர் உங்களிடம் வந்திருக்கின்றார்; நீங்கள் துன்பத்திற்குள்ளாகி விட்டால், அது அவருக்கு மிக்க வருத்தத்தைக் கொடுக்கின்றது; அன்றி, உங்(கள் நன்மை)களையே அவர் பெரிதும் விரும்புகிறார்; இன்னும் முஃமின்கள் மீது மிக்க கருணையும் கிருபையும் உடையவராக இருக்கின்றார்.(திரு குர் ஆன் 9:128)

நாம் அவருடைய பிரார்த்தனையை ஏற்றுக் கொண்டோம்; அவருக்கு ஏற்பட்டிருந்த துன்பத்தையும் நீக்கி விட்டோம்; அவருடைய குடும்பத்தையும், பின்னும் அதைப் போன்ற ஒரு தொகையினரையும் (அவருக்குக் குடும்பமாகக்) கொடுத்தோம் - இது நம்மிடத்திலிருந்துள்ள கிருபையாகவும் ஆபிதீன்களுக்கு (வணங்குபவர்களுக்கு) நினைவூட்டுதலாகவும் இருக்கிறது.(திருகுர்ஆன் 21:84))

நபி(ஸல்) அவர்கள் நமக்காக பிரார்த்தனையும் செய்கின்றார்கள், நமது கவலைகள், துன்பங்கள், கஷ்டங்கள் சிரமங்கள் அனைத்தையும் போக்குகின்றார்கள், அதற்காக அல்லாஹ்விடம் துஆ செய்கின்றார்கள், அல்லாஹ் உடைய இந்த வசனத்தை எல்லாம் அவர்கள் ஓதி உள்ளார்களா? இல்லை தெரிந்து கொண்டே உண்மையை பொய்யுடன் கலக்குகிறார்களா?

மேலும்

மறுமை நாளில் இறைநம்பிக்கையாளர்கள் ஒன்றுகூடி, 'நமக்கு ஏற்பட்டுள்ள கவலையிலிருந்து(துன்பங்களிலிருந்து) நம்மைக் காக்கும்படி யார் மூலமாவது நம் இறைவனிடம் நாம் மன்றாடினால் (எவ்வளவு நன்றாயிருக்கும்!)' என்று (தங்களிடையே) பேசிக் கொள்வார்கள். பிறகு, அவர்கள் ஆதம்(அலை) அவர்களிடம் வந்து, 'நீங்கள் மனிதர்களின் தந்தையாவீர்கள். அல்லாஹ், தன் கையால் உங்களைப் படைத்தான். தன்னுடைய வானவர்களை உங்களுக்குச் சிரம் பணியச் செய்தான். மேலும், உங்களுக்கு எல்லாப் பொருள்களின் பெயர்களையும் கற்றுத் தந்தான். எனவே, இந்த(ச் சோதனையான) கட்டத்திலிருந்து எங்களை விடுவிப்பதற்காக உங்களுடைய இறைவனிடத்தில் எங்களுக்காகப் பரிந்துரை செய்யுங்கள்' என்று சொல்வார்கள். அதற்கு ஆதம்(அலை) அவர்கள், '(நீங்கள் நினைக்கும்) அந்த நிலையில் நான் இல்லை' என்று கூறிவிட்டு, தாம் புரிந்த பாவத்தை நினைத்துப் பார்த்து வெட்கப்படுவார்கள். 'நீங்கள் (நபி) நூஹ் அவர்களிடம் செல்லுங்கள். ஏனென்றால், அவர் (எனக்குப் பின்) பூமியிலுள்ளவர்களுக்கு அல்லாஹ் அனுப்பி வைத்த (முக்கிய) தூதர்களில் முதலாமவராவார்' என்று சொல்வார்கள்.
உடனே, இறைநம்பிக்கையாளர்கள் நூஹ்(அலை) அவர்களிடம் செல்வார்கள். அப்போது அவரும், '(நீங்கள் நினைக்கும்) அந்த நிலையில் நான் இல்லை' என்று கூறிவிட்டு, தாம் அறியாத ஒன்றைக் குறித்துத் தம் இறைவனிடத்தில் கேட்டதை நினைத்து வெட்கப்படுவார்கள். பிறகு, நீங்கள் கருணையாளனின் உற்ற நண்பரிடம் (இப்ராஹீம்(அலை) அவர்களிடம்) செல்லுங்கள்' என்று சொல்வார்கள். உடனே, இறைநம்பிக்கையாளர்கள் (இப்ராஹீம் - அலை) அவர்களிடம் செல்வார்கள். அப்போது அவர்களும், '(நீங்கள் நினைக்கும்) அந்த நிலையில் நான் இல்லை. அல்லாஹ் உரையாடிய, தவ்ராத்(வேதத்)தையும் அளித்த அடியாரான (நபி) மூஸாவிடம் நீங்கள் செல்லுங்கள்' என்று சொல்வார்கள். உடனே, அவர்கள் மூஸா(அலை) அவர்களிடம் செல்வார்கள். அப்போது அவர்கள், '(நீங்கள் நினைக்கும்) அந்த நிலையில் நான் இல்லை' என்று கூறிவிட்டு, (தம் வாழ்நாளில் ஒருமுறை) எந்த உயிருக்கும் ஈடாக இல்லாமல் ஒரு (மனித) உயிரைக் கொன்றதை நினைவு கூர்ந்து தம் இறைவனுக்கு முன் வெட்கப்படுவார்கள். பிறகு, 'நீங்கள் அல்லாஹ்வின் அடியாரும், அவனுடைய தூதரும், அவனுடைய வார்த்தையும், அவனுடைய ஆவியுமான (நபி) ஈசாவிடம் செல்லுங்கள்' என்று சொல்வார்கள். (அவ்வாறே அவர்கள் செல்ல,) அப்போது அவர்களும், '(நீங்கள் நினைக்கும்) அந்த நிலையில் நான் இல்லை. நீங்கள் முன் பின் பாவங்கள் மன்னிக்கப்பட்ட அடியாரான முஹம்மத்(ஸல்) அவர்களிடம் செல்லுங்கள்' என்று சொல்வார்கள்.
உடனே, அவர்கள் என்னிடம் வருவார்கள். அப்போது நான், 'என்னுடைய இறைவனிடத்தில் அனுமதி கேட்பதற்காகச் செல்வேன். அப்போது (எனக்கு) அனுமதி வழங்கப்படும். என் இறைவனை நான் காணும்போது சஜ்தாவில் விழுவேன். தான் விரும்பியவரையில் (அப்படியே) என்னை அவன்விட்டு விடுவான். பிறகு, (இறைவனின் தரப்பிலிருந்து) 'உங்கள் தலையை உயர்த்துங்கள்! கேளுங்கள்! உங்களுக்குத் தரப்படும் சொல்லுங்கள்; செவியேற்கப்படும். பரிந்துரை செய்யுங்கள்; உங்கள் பரிந்துரை ஏற்கப்படும்' என்று சொல்லப்படும் அப்போது நான் என்னுடைய தலையை உயர்த்தி, இறைவன் எனக்குக் கற்றுத் தரும் புகழ் மொழிகளைக் கூறி அவனைப் புகழ்வேன். பிறகு நான் பரிந்துரை செய்வேன். அப்போது இறைவன், (நான் யார் வரையறுத்து) எனக்கு வரம்பு விதிப்பான். பிறகு அவர்களை நான் சொர்க்கத்திற்கு அனுப்பி வைப்பேன். பிறகு மீண்டும் நான் இறைவனிடம் செல்வேன். என் இறைவனைக் காணும்போது நான் முன்பு போன்றே செய்வேன். பிறகு நான் பரிந்துரைப்பேன். அப்போதும் இறைவன், (நான் யார் யாருக்குப் பரிந்துரை செய்யலாம் என்பதை வரையறுத்து) எனக்கு வரம்பு விதிப்பான். பிறகு, நான் அவர்களைச் சொர்க்கத்திற்கு அனுப்பி வைப்பேன். பிறகு மூன்றாம் முறையாக (இறைவனிடம்) நான் செல்வேன். பிறகு நான்காம் முறையும் செல்வேன். (இறுதியாக) நான், 'குர்ஆன் தடுத்துவிட்ட, நிரந்தர நரகம் கட்டாயமாகிவிட்டவர்(களான இறைமறுப்பாளர்கள், நயவஞ்சகர்)களைத் தவிர வேறு யாரும் நரகத்தில் மிஞ்சவில்லை' என்று சொல்வேன்.
என இறைத்தூதர்(ஸல்) அவர்கள் அறிவித்தார்கள் என அனஸ்(ரலி) அறிவித்தார்கள்.இமாம் புஹாரி(ரஹ்),இமாம் முஸ்லிம்(ரஹ்),இமாம் திர்மதி(ரஹ்),இமாம் அபுதாவுத்(ரஹ்),இமாம் இப்னுமஜா(ரஹ்),இமாம் நஸயி(ரஹ்)....))

விமர்ச்சிபவர்கள் வைக்கும் விமர்ச்சனம்:

مَا لِيْ سِوَى حُبِّيْ لَدَيْكَ وَسِيْلَةٌ
فَامْنُنْ عَلَيَّ بِفَضْلِ جُوْدِكَ اَسْعِدِ
உங்கள் நேசத்தைத் தவிர என்னிடம் எந்தச் சமாதானமும் இல்லை. எனவே உங்கள் அதிகப்படியான வள்ளல் தன்மையில் எனக்கு வழங்குங்கள் என்னைப் பாக்கியவானாக ஆக்குங்கள் என்ற வரியும்.


நமது பதில்:

(நபியே!) நீர் கூறும்: “நீங்கள் அல்லாஹ்வை நேசிப்பீர்களானால், என்னைப் பின் பற்றுங்கள்; அல்லாஹ் உங்களை நேசிப்பான்; உங்கள் பாவங்களை உங்களுக்காக மன்னிப்பான்; மேலும், அல்லாஹ் மன்னிப்பவனாகவும், மிக்க கருணை உடையவனாகவும் இருக்கின்றான். (திருக்குர்ஆன் 3:31)

'எவரிடம் மூன்று தன்மைகள் அமைந்துவிட்டனவோ அவர் ஈமான் எனும் இறைநம்பிக்கையின் சுவையை உணர்ந்தவராவார். (அவை) அல்லாஹ்வும் அவனுடைய தூதரும் ஒருவருக்கு மற்றெதையும் விட அதிக நேசத்திற்குரிய வராவது, ஒருவர் மற்றொருவரை அல்லாஹ்வுக்காகவே நேசிப்பது, நெருப்பில் வீசப்படுவதை வெறுப்பது போல் இறை நிராகரிப்புக்குத் திரும்பிச் செல்வதை வெறுப்பது' என்று இறைத்தூதர்(ஸல்) அவர்கள் கூறினார்கள்: என அனஸ்(ரலி) அறிவித்தார்கள்(இமாம் புஹாரி(ரஹ்),இமாம் முஸ்லிம்(ரஹ்)

மனைவி மக்களையும் பெற்றோரையும், மக்கள் அனைவரையும் விட அதிகமாகஅல்லாஹ்வின் தூதர் (ஸல்) அவர்களை நேசிப்பது கடமை ,அவ்வாறு அல்லாஹ்வின் தூதரை இந்த அளவு நேசிக்காதவரிடம் இறைநம்பிக்கை இல்லை என்று கூறலாம்..

ஒருவருக்கு தம் குடும்பத்தார்,தமது செல்வம்,ஏனைய மக்கள் அனைவரையும் விட நான் நேசத்திற்குரியவனாக ஆகாதவரை எந்த அடியாரும் அல்லது எந்த மனிதரும்,இறை நம்பிக்கையுள்ளவராக ஆகமாட்டார்கள் இதை அனஸ் (ரலி) அவர்கள் அறிவிக்கிறார்கள்.(இமாம் முஸ்லிம்(ரஹ்)

இன்சா அல்லாஹ் மற்ற விமர்ச்சனங்களுக்கு விரைவில்...

ஞாயிறு, 23 செப்டம்பர், 2012

சுபஹ் தொழுகையில் குனூத் ஓதலாமா? ஒதக் கூடாதா?

அஸ்ஸலாமு அலைக்கும் அனைத்து முஸ்லிம் சகோதரர்களுக்கும்,

தமிழ்நாடு இஸ்லாமியர்களிடத்தில் இரட்டை வேடம் போடும் இணையதளங்கள்:

சுபஹ் குனூத் ஆய்வு என்ற நீண்ட கட்டுரையை தொகுத்து, அதில் சுபஹ்விறகு குனூத் வைக்கும் ஆதாரம் பலகினமானது பலகினமானது என்று மிகவும் தந்திரமாக மக்களை நம்ப வைத்து கொண்டு இருக்கிறது, நான் அதற்கு எதிர்ப்பு தெரிவித்து வைத்து ஒரு இணையதளத்திற்கு ஒரு ஆதரபூர்வமான ஹதிஸை பதித்தேன், ஆனால் அதை அவர்கள் மறைத்து விட்டார்கள், அதற்கும் நான் பதிலும் கூறினேன், இங்கு நீங்கள் மறைத்து விடலாம், ஆனால் மறுமையில் அல்லாஹ்விடம் மாட்டி கொள்வீர்கள் என்று கூறினேன், அல்லாஹ்வின் பயம் கொஞ்சம் கூட இல்லாமல் ஹதிஸை மறைக்கிறார்கள். நாங்களும் ஹதிஸை கூறுகின்றோம் என்று மக்களை ஏமாற்றுகிறார்கள்,

நாங்கள் சகபாக்களை பின்பற்றுகிறோம் என்று மக்களை நம்ப வைத்து இறுதியில் சகபாக்களை பின்பற்றாமல் உள்ளார்கள், சகபாக்களை பின்பற்ற வேண்டும் என்று பல முறை பல மேடையில் கூறிய இவர்கள் ஏன் சகபாக்களை மறுக்கிறார்கள்.

சரி விசயத்திறகு வருவோம்.

மறுப்பவர்கள் வைக்கும் விமர்சனங்கள்:

//இவர்கள் சார்ந்திருக்கும் மத்ஹப் அறிஞரான இமாம் நவவி (ரஹ்) என்பவர் இமாம் முஸ்லிம் (ரஹ்) அவர்களின் ஹதீஸ் கிரந்தத்திற்கு பாட, மற்றும் அத்தியாயத் தலைப்பிட்டவர்கள், என்பதை இன்றும் இவர்கள் அறியாதிருக்கலாம்.
இந்த ஹதீஸ் இடம் பெறும் இடத்தில் (باب استحباب القنوت إذا نزل بالمسلمين نازلة) ‘முஸ்லிம்களுக்கு சோதனை ஏற்பட்டால் குனூத் ஓதுதல் சுன்னத் என்ற பாடம்’ என இதற்கு தலைப்பிட்டுள்ளார்கள்.
ஆகவே இது இந்தச் செய்தியானது ‘சுபஹ்’ குனூத்தைக் குறிக்கும் என வாதிடுவது இமாம்களின் தீர்ப்பை மதிப்பதாகக் கூறிக்கொள்வோருக்கு அழகில்லை. மாத்திரமின்றி இது ஹதீஸில் திரிபு செய்வோரின் செயலாகவும் கருதப்படும்.//

நமது  பதில்:

இங்கு இமாம் முஸ்லிம்(ரஹ்) அவர்களுக்கும், இமாம் நவவி(ரஹ்) அவர்களுக்கும் மார்க்கம் தெரியவில்லை என்பது போல் பதில் கொடுத்துள்ளார்கள், இமாம் முஸ்லிம்(ரஹ்) அவர்களும், இமாம் நவவி(ரஹ்) அவர்களும் மேல் உள்ள தலைப்பான ''‘முஸ்லிம்களுக்கு சோதனை ஏற்பட்டால் குனூத் ஓதுதல் சுன்னத் என்ற பாடம்’ என்ற தலைப்பை பதிவு செய்து நபி(ஸல்) அவர்கள் சுபஹ் தொழுகையில் குனூத் ஓதின ஹதிஸை பதிவு செய்துள்ளார்கள் என்பதை  இணையதளம் அவர்கள் யாருக்கும் தெரியவில்லையா? இல்லை தெரிந்து கொண்டே இரட்டை வேடம் போடுகிறீர்களா?, மத்ஹப் வேண்டாம் என்று நீங்களே ஒரு மத்ஹப் உருவாக்கி கொண்டு இருப்பதை நன்றாக உணர முடிகிறது. அதே சமயத்தில் உங்கள் மத்ஹப் வெறியையும் நன்கு உணர முடிகிறது. உங்கள் மத்ஹபை பின்பற்றுவதற்காக மற்ற இமாம்களை மட்டமாக நினைப்பது சரியல்ல.

மேலும் ஒரு உதாரணம்:

தொழுகையில் எவ்வாறு கையை வைப்பது பற்றி பாடம்:

இமாம் முஸ்லிம்(ரஹ்) அவர்கள் தொழுகையில் தொப்புளுக்கு மேல் நெஞ்க்கு கீழ் மற்றும் தொப்புளுக்கு கீழ் கைகளை வைக்க வேண்டும் என்கிறார்கள்

இமாம் திர்மதி(ரஹ்) அவர்கள் தொழுகையில் இரு கைகளையும் தொப்புளுக்கு மேல் வைக்கவேண்டுமென் சிலரும், தொப்புளுக்கு கீழ் வைக்க வேண்டும் என்கிறார்கள்.

விரிவாக..

தொழுகையில் தொப்புளுக்கு மேல் நெஞ்க்கு கீழ் மற்றும் தொப்புளுக்கு கீழ் கைகளை வைப்பது:

நபி(ஸல்) அவர்கள் எங்களுக்கு தொழுகை நடத்தும் போது தமது வலது கரத்தால் இடது கரத்தை பிடித்து கொள்வார்கள் என ஹுல்பு(ரலி) அவர்கள் அறிவிக்கிறார்கள்( திர்மதி(ரஹ்) 234, இப்னுமஜா(ரஹ்))
ஹுல்பு(ரலி) அவர்கள் அறிவிக்கும் இந்த ஹதிஸ் ஹசன் தரத்தலமைந்ததாகும். நபித்தோழர்கள், தாபியீன்கள் அதற்கும் அடுத்த தலைமுறை அறிஞர்கள் இவ்வாறே செயல்பட்டுள்ளனர், (ஆயினும்) இரு கைகளையும் தொப்புளுக்கு மேல் வைக்கவேண்டுமென் சிலரும், தொப்புளுக்கு கீழ் வைக்க வேண்டும் என்று சிலரும் கருதுகின்றனர்.(சிறந்தது) எது என்பதில் கருத்து வேறுபாடுகள் உள்ளன, இரு முறையுமே அவர்களிடம் ஆதாரபூர்வமானவைத்தான்.


இமாம் முஸ்லிம்(ரஹ்) அவர்களின் விளக்கம்:

தொழுகையின் ஆரம்பத்தில் தக்பீரத்துல் இஹ்ராம் கூறிய பின் நெஞ்க்குக் கீழ்
தொப்புளுக்கு மேல் உள்ள பகுதியில் இடக் கையின் மீது வலக் கையை வைப்பதும், சஜ்தாவில் தோள்களுக்கு நேராக நிலத்தில் இரு கைகளையும்  வைப்பதும் சுன்னதாகும் (விரும்பத்தக்கதாகும்).(இமாம் முஸ்லிம்(ரஹ்)

இதில் இமாம் முஸ்லிம்(ரஹ்) அவர்களும், இமாம் திர்மதி(ரஹ்) அவர்களும் ஹதிஸ்கள் தெரியவில்லை,மார்க்கம் தெரியவில்லை அவர்கள் தவறு செய்துவிட்டார்கள் என்று உங்களால் கூற முடியுமா? ஏனென்றால் நீங்கள் தொழுகையில் நெஞ்சின் மீது கையை கட்ட வேண்டும் என்று கூறுகிறீர்கள், உங்களுக்கு மாற்றமாக இமாம் முஸ்லிம்(ரஹ்) அவர்களும், இமாம் திர்மதி(ரஹ்) அவர்களும் இருக்கின்றார்கள் என்பதற்காக அவர்களின் ஹதிஸை நிராகரித்து விடுவீர்களா?.

அதே போல் தான் நீங்கள் சுபஹ் தொழுகையில் குனூத் ஓதவில்லை என்பதற்காக இமாம் ஷாபி(ரஹ்) அவர்கள் பதித்துள்ள ஹதிஸ்களை செயல்படுத்தும் இன்றைய மார்க்க அறிஞர்கள், தவறு என்று எப்படி கூற முடியும், இந்தியாவில் 1400 ஆண்டுகளாக மார்க்க அறிஞர்களே இல்லையா? இந்தியாவில் உள்ள மார்க்க அறிஞர்கள் சொன்னால் ஏற்க கூடாது, வெளி நாட்டில் உள்ள மார்க்க அறிஞர் சொன்னால் மட்டும் தான் ஏற்க வேண்டும் என்று எதாவது ஹதிஸ் உள்ளதா?இந்தியாவில் சகபாக்கள்(ரலி) அவர்கள் இல்லாமல், தாபின்கள்(ரஹ்), தபதாபின்கள்(ரஹ்) இல்லாமல் தான் இஸ்லாம் வந்ததா? பதில் தரவேண்டும்.

மறுப்பவர்கள் வைக்கும் விமர்சனங்கள்:

//இமாம் இப்னுல் ஜவ்ஸி அவர்கள் ‘அத்தஹ்கீக்’ ‘அல்இலலுல் முதனாஹியா’ ஆகிய நூல்களில் இந்தச் செய்தி பலவீனமானது எனக் குறிப்பிட்டுள்ளதுடன், هذا حديث لا يصح ‘இது ஆதாரமற்ற செய்தியாகும்’, இப்னுஹிப்பான் அவர்கள் பிரபல்யமானவர்களைப் பயன்படுத்தி மறுத்துரைக்கப்பட வேண்டிய தகவல்களை அறிவிப்பவர் என்றும் விமர்சித்துள்ளனர்.இமாம் இப்னு ஹஜர் அல்அஸ்கலானி (ரஹ்) அவர்கள் ‘நதாயிஜுல் அஃப்கார்’, மற்றும் ‘தல்ஹீஸுல் ஹபீர’; ஆகிய நூல்களில் அபூஜஃபர் அர்ராஸியின் விபரம் பற்றிய பல விபரங்களை தந்துள்ளார்கள் என்பதைக் கவனத்தில் கொள்ளவும்//

நமது  பதில்:

மேற்கண்ட இமாம்கள் ஆய்வு செய்து கூறுவதால்  இணையதளங்கள்  சுபஹ் தொழுகையில் குனூத் ஒதக் கூடாது என்று இறுதியாக நிலைப்பாட்டை கூறியுள்ளார்கள்,

இவர்கள் மேற்கண்ட இமாம்கள் கூறுவதால் சுபஹ் தொழுகையில் குனூத், ஓதக் கூடாது என்ற கூறும் இவர்கள் அந்த இமாம்களின் ஆய்வுகளின் கருத்துகளையாவது ஏற்பார்களா? இல்லை இரட்டை வேடம் போடப் போகிறார்களா?

இமாம் இப்னு ஹிப்பான்(ரஹ்), இமாம் இப்னு ஜவ்ஸி(ரஹ்), இமாம்  இப்னு ஹஜர் அல்அஸ்கலானி (ரஹ்) போன்ற நல்லடியார்கள் சுன்னத் ஜமாத்தினர் அமல் செய்யும் எண்ணற்ற ஹதிஸ்களை ஆதாரபூர்வமானது என்று கூறியுள்ளார்கள், அந்த ஹதிஸ்களை தொகுத்தால் ஒரு நூலை வெளியிடலாம். சில ஹதிஸ்களை உதாரணமாக எடுத்து கொள்வோம்.

அவை:

இமாம் இப்னு ஜவ்ஸி(ரஹ்) அவர்கள் பதித்துள்ள சில ஹதிஸ்கள்:

1) தொழுகையில் தொப்புளுக்கு கீழ் கையை வைப்பதே நபி(ஸல்) அவர்களின் சுன்னதாகும்:

நபி(ஸல்) அவர்கள் தொழுகையில் தொப்புளுக்கு கீழ் கையை வைத்தார்கள் என்று இப்னு ஜவ்ஸி(ரஹ்) அவர்கள் தனது கித்தாபில் பதிவு செய்து உள்ளார்கள், மேலும் தொழுகையில் நெஞ்சில் கையை வைக்க வேண்டும் என்ற அனைத்து ஹதிஸ்களின் அறிவிப்பாளர்களும் விமர்ச்சனம் செய்யப்பட்டுள்ளார்கள் அதை ஏற்க கூடாது என்பது போல் கூறியுள்ளார்கள்.

2) தொழுகையில் தரையில் கை வைப்பதற்கு முன் தனது முட்டுகால்களை தரையில்  வைப்பதே நபி(ஸல்) அவர்களின் சுன்னதாகும்:

நான் நபி(ஸல்) அவர்கள் தொழுததை பார்த்துள்ளேன், நபி(ஸல்) அவர்கள் தக்பீர் கூறி, கட்டைவிரலை காது அருகில் உயர்த்துவார்கள்,(அதன் பிறகு) நபி(ஸல்) அவர்களின் முதுகு சமமாக ஆகும் வரை ருகூ செய்வார்கள், அதன் பிறகு தக்பீர் கூறி ஸஜ்தா செய்வார்கள், (அப்பொழுது ) நபி(ஸல்) (தரையில்) கை வைப்பதற்கு முன் தனது முட்டுகால்களை தரையில் வைப்பார்கள் என அனஸ்(ரலி) அவர்கள் அறிவிக்கிறார்கள்.

இமாம் தஹபி(ரஹ்) அவர்களும் ஒப்புதல் அளித்துள்ளார்கள், 

இமாம் இப்னு அல் ஜவ்ஸி(ரஹ்) 1/287 அவர்களும் இத்தொடர் ஆதரபூர்வமானதில் அறிவிக்கிறார்கள்


3) மீலாது விழா கொண்டாடலாம்:

அபூலஹப் மரணித்த பின் அவரை கனவில் காணப்பட்டது. அவரிடத்தில் உங்களின் நிலை என்ன என்று கேட்கப்பட்டது. நான் நரகத்தில் இருக்கின்றேன், நபி(ஸல்) அவர்கள் பிறந்த செய்தியை எனக்கு துவைபா அம்மையார் அவர்கள் நற்செய்தி கூறியதாலும் நபி(ஸல்) அவர்களுக்கு அப்பெண்மணி பாலூட்டியதாலும் அப்பெண்ணை நான் உரிமையிட்டிருந்தேன். அதனால் ஒவ்வொரு திங்கட் கிழமையும் என் விரல்களுக்கு மத்தியிலிருந்து விரல் நுனியளவு கொட்டும் நீரை நான் உறிஞ்சி குடிக்கின்றேன் என்றார். காஃபிரான, இறைவனால் சபிக்கப்பட்ட ஒருவர் நபி(ஸல்) அவர்கள் பிறந்ததை பற்றி சந்தோஷம் அடைந்ததால் அவருக்கு இந்த சலுகை கொடுக்கப்பட்டதென்றால், உண்மையான ஒரு முஸ்லிம், நபி(ஸல்) அவர்கள் மீது மீலாது விழா கொண்டாடுவதால் அவருக்கு சுவர்க்கம் கிடைப்பது நிச்சயம்(இப்னு ஸஃது(ரஹ்), அப்துல்லாஹ் இப்னு முஹம்மதிப்னி வஹ்ஹாப்(ரஹ்),இப்னுல் ஜவ்ஸி(ரஹ்))

மேலும் அல்லாமா இப்னுல் ஜவ்ஸி(ரஹ்) அவர்கள் கூறுகிறார்கள். '' குர்ஆன்(அபூலஹபுடைய இரண்டு கைகளும் நாசமாட்டும் மேலும் அவனும் நாசமாகட்டும் (குர்ஆன் 111:2)) யாரைப் பழித்து ஒரு வசனத்தில் கூறுகிறதோ அவனுக்கு மவ்லித்துன்னபி ஸல்லல்லாஹு கொண்டாடியதால்(முன்னர் கண்டபடி) கூலி கொடுக்கப்பட்டானென்றால், ஏகத்துவத்தை நிலைநாட்டி வரும் ரஸுலில்லாஹி(ஸல்) அவர்களின் உம்மத்திலுள்ள முஸ்லிம், மீலாது ''நபி(ஸல்)'' அவர்கள் பிறந்த தினத்தில் மக௯ழ்ச்சியை வெளியிடுவதினால் அவரின் நிலை எவ்வாறு இருக்கும்,உண்மையில் அதைவிட பல்லாயிரம் மடங்கு நற்கூலி அளிக்கப்படுவர் என்பது திண்ணம்.(முத்தஸருஸ்ஸீரத், பக்கம் 113).

இப்னு ஜவ்ஸி(ரஹ்) அவர்கள் மீலாது விழா கொண்டாடலாம் எனக் கூறுகிறார்கள், ஏன் நீங்கள் மீலாது விழா கொண்டாடுபவர்கள் ஏசுகிறீர்கள்.

இப்னு ஜவ்ஸி(ரஹ்), அவர்களின் ஹதிஸ்கலை கூற்றை ஏற்கமாட்டோம் எனக் கூறினால், தனது இணைய தளத்தில் இப்னு ஜவ்ஸி(ரஹ்), வழியாக பதித்துள்ள அனைத்து ஹதிஸ்களையும் வாபஸ் பெற வேண்டும். அப்படி வாபஸ் பெறுகிறவன் தான் சோற்றில் உப்பு போட்டு சாப்பிடுகிறான் என்று அர்த்தம். அப்படி இல்லை என்றால் ரோசம் இல்லை என்று தான் அர்த்தம். இவர்கள் வேணுகிற போது இப்னு ஜவ்ஸி(ரஹ்), கூற்றை எடுத்து கொள்வார்கள், வேணாம் என்கிற போது எடுத்து கொள்ள மாட்டோம் என்று கூறுபவர்கள் நிச்சியமாக குழப்பத்தை பூமியில் உண்டாக்குகிறார்கள் என்பது சந்தேகமில்லை. 

இமாம் இப்னு ஹிப்பான்(ரஹ்) அவர்கள் பதித்துள்ள சுன்னத் ஜமாத் செய்யும் அமல்களின் சில ஹதிஸ்:

1) நோன்பு திறக்கும் துஆ:

அல்லாஹும்ம லக்க சம்த்து...  எனற நோன்பு திறக்கும் போது ஆதாரபூர்வமானது என இமாம் இப்னு ஹிப்பான்(ரஹ்) அவர்கள் கூறியுள்ளார்கள்

2) நல்லடியார்களின் பொருட்டால் வஸிலா கேட்பது:

நல்லடியார்களின் பொருட்டால் வஸிலா கேட்கப்படும் ஹதிஸை இமாம் இப்னு ஹிப்பான்(ரஹ்)அவர்கள் ஆதாரபூர்வமானது என கூறியுள்ளார்கள்

3) பரா அத் இரவு:

ஷஃபான் மாதத்தின் பதினைந்தாம் இரவில் இணைவைப்பவனுக்கும் குரோதம் பாரட்டுபவனையும் தவிர அல்லாஹ் தன்னுடைய எல்லா படைப்பினங்களுக்கும் மன்னிப்பு வழங்குகிறான் என நபி (ஸல்) கூறினார்கள் என முஆத் இப்னு ஜபல்(ரலி) அவர்கள் அறிவிக்கிறார்கள்,
இதை இமாம் தப்ரானி(ரஹ்) அவர்கள் ஸஹிஹ் வான தரத்தில் பதிவு செய்துள்ளார்கள், 

மேலும் இதை இமாம் இப்னு ஹிப்பான்(ரஹ்) அவர்களும் உறுதி செய்துள்ளார்கள் இதில் இடம் பெரும் அறிவிப்பாளார்கள் நம்பகமானவர்கள் என்று கூறுகிறார்கள். இதை ஸஹிஹ்வான தரத்தில் பதிவு செய்துள்ளார்கள்,

மேலும் இமாம் இப்னு ஹஜர் ஹைதமி(ரஹ்) அவர்கள் கூறுகிறார்கள் தனது கித்தாபில் இந்த ஹதிஸை பதிவு செய்து விட்டு இதில் இடம் பெறும் அறிவிப்பாளர்கள் அனைவரும் நம்பகமானவர்கள் ஆவார்கள், சிலர் விமர்ச்சனம் செய்து உள்ளார்கள், அது தவறு.  எனவே இது ஹசன் தரத்தில் கூட கூற முடியாது இது ஸஹிஹ் வான ஹதிஸ் ஆகும்.

மேலும் இமாம் முந்தரி(ரஹ்) அவர்கள் வழியாக தஹ்ரிப் தஹ்ரிப் லும், இமாம் சூயூத்தி(ரஹ்) அவர்களும் இதில் இடம் பெறும் அறிவிப்பாளார்கள் மிகவும் நம்பகமானவர்கள் ஆவார்கள் என கூறியுள்ளார்கள்.

இமாம் இப்னு ஹஜர் அஸ்கலானி(ரஹ்) அவர்கள் பதித்துள்ள சுன்னத் ஜமாத் செய்யும் அமல்களின் சில ஹதிஸ்:

1) கூட்டு துஆ

கூட்டு துஆ வாக இடம் பெறும்  ஹதிஸை இமாம் இப்னு ஹஜர் அஸ்கலானி ஆதராபூர்வமானது என்கிறார்கள்,

2) தராவிஹ் 20

நபி(ஸல்)  அவர்கள் ரமலானின் மூன்று நாட்கள் தொழவைத்த நிகழ்வை எத்தனை ரக்கத்து என  புஹாரி விரிவுரை கூறும் போது இமாம் இப்னு ஹஜர் அஸ்கலானி அவர்கள் நபி(ஸல்) அவர்கள் 20 ரக்கத்து மூன்று நாட்கள் தொழ வைத்தார்கள் எனக் கூறியுள்ளார்கள்.

3) இமாம் அபுஹனிபா(ரஹ்)

இமாம் அபுஹனிபா(ரஹ்) அவர்கள் அறிவிக்கும் அனைத்து ஹதிஸ் அனைத்தும் சரியானதாகும்

மேல் உள்ள எந்த ஹதிஸையும் ஏற்க மாட்டார்கள் அந்த இமாம்கள் ஆய்வு செய்து சரி என்று சொன்னாலும் ஏற்க மாட்டார்கள், இரட்டை வேடம் போடுபவர்களிடம் ஆயிரம் தான் கூறினாலும் ஏற்க மாட்டார்கள், அவர்களின் இதயத்தில் அல்லாஹ் முத்திரைப் பதித்துவிட்டான் என்பது தான் உண்மை

மறுப்பவர்கள் வைக்கும் விமர்சனங்கள்:


அபூஜஃபர் அர்ராஸி(ரஹ்) பலவினமானவர்


நமது  பதில்:

அபூஜஃபர் அர்ராஸி(ரஹ்) பலவினமானவரா?

இல்லை.

இவர்கள் உண்மையாளர்கள் இருந்தால் இரண்டு கருத்துகளும் பதித்திருக்க வேண்டும், சிலர்  அபூஜஃபர் அர்ராஸி(ரஹ்) அவர்கள் விமர்ச்சித்தும் உள்ளார்கள்,அதை நான் மறுக்கவில்லை, ஆனால் சிலர் இவரை மிகவும் நம்பகமான பட்டியலில் இணைத்து உள்ளார்கள், இவர் பொய் பேசுபவராக இல்லை, நேர்மையானவர்கள் எனக் கூறிய இமாம்கள் நம்பகமான பட்டியலில் இணைத்துள்ள இமாம்களை மறுத்தது ஏன்? தனது மத்ஹப்பிற்கு ஒத்து வரவில்லை என்பதற்காக  ஹதிஸை விட்டுவிடுவதா? யார் மத்ஹப் வெறி பிடித்து அலைக்கிறார்கள், அப்படி பார்த்தால் அது போல் என்னால் பல ஹதிஸை பதிக்க முடியும், உதரணமாக நெஞ்சில் கை கட்டுவது சம்பந்தமாக வரும் அறிவிப்பாளர் பலவினாமானவர்கள் என எத்தனை இமாம்கள் விமர்ச்சனம் செய்து உள்ளார்கள், அது பலகினமானது எனத் தெரிந்தும் ஏன் பின்பற்றீர்கள்? நீங்கள் ஒரு கேள்வி அதே போல் தொழுகையில் தொப்பிள் கீழே மற்றும் தொப்பிள் மேல்(நெஞ்சிற்கு கீழ்) இடம் பெறும் அப்துர் ரஹ்மான் பின் இஸ்ஹாக் சிலர் விமர்ச்சித்தாலும் மற்ற சிலர் நம்பிக்கையானவர் பட்டியலில் இணைத்துள்ளார்கள்.

இமாம் திர்மதி(ரஹ்)(ரஹ்) அவர்கள்  அப்துர் ரஹ்மான் பின் இஸ்ஹாக் வழியாக இடம் பெறும் ஹதிஸை ஹசன் தரத்தில் இவரது ஹதிஸ்களை பதிவு செய்துள்ளார்கள், அதாவது இவரை நம்பகமானவர் என்று கூறியுள்ளார்கள், அதனால் இது ஹசன் தரத்தில் அமைந்துள்ளதால் இதுவும் ஆதரபூர்வமானதாகும்.

இமாம் ஹாகிம்(ரஹ்) அவர்கள் அப்துர் ரஹ்மான் பின் இஸ்ஹாக் என்பவர்  மிகவும் பலமானவர், மேலும் அவர் அறிவிக்கும் அனைத்து ஹதிஸ்களை ஸஹிஹ்வான தரத்தில் பதிவு செய்துள்ளார்கள்.

மேலும் பல ஆதாரபூர்வமான ஹதிஸ்:

தொழுகையில் தொப்புளுக்கு மேல் நெஞ்க்கு கீழ் மற்றும் தொப்புளுக்கு கீழ் கைகளை வைப்பது:

நபி(ஸல்) அவர்கள் எங்களுக்கு தொழுகை நடத்தும் போது தமது வலது கரத்தால் இடது கரத்தை பிடித்து கொள்வார்கள் என ஹுல்பு(ரலி) அவர்கள் அறிவிக்கிறார்கள்( திர்மதி(ரஹ்) 234, இப்னுமஜா(ரஹ்))
ஹுல்பு(ரலி) அவர்கள் அறிவிக்கும் இந்த ஹதிஸ் ஹசன் தரத்தலமைந்ததாகும். நபித்தோழர்கள், தாபியீன்கள் அதற்கும் அடுத்த தலைமுறை அறிஞர்கள் இவ்வாறே செயல்பட்டுள்ளனர், (ஆயினும்) இரு கைகளையும் தொப்புளுக்கு மேல் வைக்கவேண்டுமென் சிலரும், தொப்புளுக்கு கீழ் வைக்க வேண்டும் என்று சிலரும் கருதுகின்றனர்.(சிறந்தது) எது என்பதில் கருத்து வேறுபாடுகள் உள்ளன, இரு முறையுமே அவர்களிடம் ஆதாரபூர்வமானவைத்தான்.


இமாம் முஸ்லிம்(ரஹ்) அவர்களின் விளக்கம்:

தொழுகையின் ஆரம்பத்தில் தக்பீரத்துல் இஹ்ராம் கூறிய பின் நெஞ்க்குக் கீழ்
தொப்புளுக்கு மேல் உள்ள பகுதியில் இடக் கையின் மீது வலக் கையை வைப்பதும், சஜ்தாவில் தோள்களுக்கு நேராக நிலத்தில் இரு கைகளையும்  வைப்பதும் சுன்னதாகும் (விரும்பத்தக்கதாகும்).(இமாம் முஸ்லிம்(ரஹ்)


தொழுகையில் (இடது) முன் கையின் மீது (வலது) முன் கையை வைத்து இரண்டையும் தொப்புளுக்கு கீழ் வைப்பது நபி(ஸல்) அவர்களின் வழிமுறையாகும் என அலி(ரலி) அவர்கள் அறிவிக்கிறார்கள்(அபூதாவுத்(ரஹ்) 645, பைஹகி(ரஹ்) 2170, 2171)

நபி(ஸல்) அவர்கள் தமது வலதை கையை இடது கையின் மீது அதை தொப்புளுக்கு கீழே வைத்ததை நான் பார்த்தேன் என வாயில் பின் ஹுஜ்ர்(ரலி) அவர்கள் அறிவிக்கிறார்கள்(இப்னு அபிஷைபா(ரஹ்) 343,இமாம் ஹாசிம் சிந்தி(ரஹ்)பக்கம் 64 ,இமாம் நிமாவி(ரஹ்)330 )
இந்த ஹதிஸில் தொடரில் அனைவரும் நம்பகமானவரே என இப்னு அபிஷைபா(ரஹ்),இமாம் ஹாசிம் சிந்தி(ரஹ்),இமாம் நிமாவி(ரஹ்) அவர்கள் அனைவரும் ஸஹிஹ் வான தரத்தில் அமைத்துள்ளார்கள், எனவே இந்த ஹதிஸ் ஸஹிஹ் தரத்தில் அமைந்துள்ளதால் இந்த ஹதிஸ் ஆதரபூர்வமானதாகும்.

ஹஜ்ஜாஜ் இப்னு அல் ஹசன்(ரஹ்) அவர்கள் அறிவிக்கிறார்கள், நான் அபுமிஜ்லஸ்(ரஹ்)(தாபியி) அவர்களிடம் கேட்டேன் தொழுகையில் எப்படி கையை கட்ட வேண்டும், அதற்கு அவர்கள் இடது கையின் மீது வலது கையை வைத்து தொப்புளுக்கு கீழ் கையை கட்ட வேண்டும் என அறிவித்தார்கள்

இப்ராஹிம் நகயீ(ரஹ்)(தாபியி) அவர்கள் தொழுகையில் இடது கையின் மீது வலது கையை வைத்து தொப்புளுக்கு கீழ் கையை கட்டினார்கள்(இப்னு அபிஷைபா(ரஹ்) 390,இப்னுத் துர்குமனி(ரஹ்) 47 )
இந்த ஹதிஸ் இப்னு அபிஷைபா(ரஹ்) அவர்கள் ஹசன் தரத்தலமைந்ததாகும்,அதனால் இது ஹசன் தரத்தில் அமைந்துள்ளதால் இதுவும் ஆதரபூர்வமானதாகும்.
இப்னுத் துர்குமனி(ரஹ்) அவர்கள் இதனுடைய தொடர் மிகவும் அழகானதாகும் எனக் குறிப்பிட்டுள்ளார்கள், இதை ஸஹிஹ் வான தரத்தில் பதிவு செய்துள்ளார்கள்
இமாம் நிமாவி(ரஹ்) அவர்களும் முஹத்தித் யூசுன் பின் நூரி(ரஹ்) அவர்களும் இதை ஸஹிஹ் வான தரத்தில் பதிவு செய்துள்ளார்கள்

தொழுகையில் ஒரு முன்கையை மற்றொரு முன்கையின் மீது வைத்து தொப்புளுக்கு கீழ் கட்ட வேண்டும் என அபுஹுரைரா(ரலி) அவர்கள் அறிவித்தாக அபுவாயில்(ரஹ்) அவர்கள் அறிவிக்கிறார்கள்.(அபூதாவுத்(ரஹ்) 647,அல்ஜவரல் நகீ(ரஹ்) 31)
இந்த ஹதிஸ் பலகினமானது என்று அபூதாவுத்(ரஹ்) தெரிவிக்கின்றார்கள்,
இருந்த போதிலும் இமாம் அல்ஜவரல் நகீ (ரஹ்) அவர்கள் ஸஹிஹ்வான தரத்தில் இந்த ஹதிஸ் பதிவு செய்துள்ளார்கள், அதாவது இவரை நம்பகமானவர் என்று கூறியுள்ளார்கள், அதனால் இது ஸஹிஹ்வான தரத்தில் அமைந்துள்ளதால் இதுவும் ஆதரபூர்வமானதாகும்.

அனஸ்(ரலி) அவர்கள் அறிவிக்கிறார்கள் மூன்று காரியங்கள் நுபுவத்தின் தன்மைகளாக உள்ளன. நோன்பு திறப்பதை விரைவுபடுத்துதல், ஸஹர் செய்வதை தாமதப்படுத்துதல், தொழும்போது இடது கையின் மீது வலது கையை வைத்து தொப்புளுக்கு கீழ் கையை கட்டுவதாகும்(இப்னு ஹிப்பான்(ரஹ்),அல்ஜவரல் நகீ(ரஹ்),
இப்னு ஹிப்பான்(ரஹ்) மற்றும் அல்ஜவரல் நகீ(ரஹ்)அவர்களும் இதை ஸஹிஹ் வான தரத்தில் பதிவு செய்துள்ளார்கள். எனவே இது ஸஹிஹ்வான தரத்தில் அமைந்துள்ளதால் இதுவும் ஆதரபூர்வமானதாகும்.

நானும் உங்களைப் போல் இமாம்கள் ஆதரபூர்வமான சொன்னதைத்தான் பதித்துள்ளேன், மேலும் இமாம் முஸ்லிம்(ரஹ்) அவர்களும் இமாம் திர்மதி(ரஹ்) மற்றும் பல இமாம்களும் சொன்ன ஆதாரபூர்வமான கருத்துகள் தான் செயல்படுத்துகிறோம், மறுப்பு தெரிவிப்புர்களனால் இமாம் முஸ்லிம்(ரஹ்), இமாம் திர்மதி மற்றும் நான் பதித்த இமாம்களைப் பார்த்து அவர்களுக்கு ஹதிஸ்கள் தெரியவில்லை, அவர்கள் தவறு செய்துவிட்டார்கள் என்று பத்வா கொடுக்க போகிறீர்களா?, 

மேலும் இமாம் திர்மதி(ரஹ்) அவர்கள் தெளிவாக கூறுகிறார்கள்:

நபி(ஸல்) அவர்கள் எங்களுக்கு தொழுகை நடத்தும் போது தமது வலது கரத்தால் இடது கரத்தை பிடித்து கொள்வார்கள் என ஹுல்பு(ரலி) அவர்கள் அறிவிக்கிறார்கள்( திர்மதி(ரஹ்) 234, இப்னுமஜா(ரஹ்))
ஹுல்பு(ரலி) அவர்கள் அறிவிக்கும் இந்த ஹதிஸ் ஹசன் தரத்தலமைந்ததாகும். நபித்தோழர்கள்(ரலி), தாபியீன்கள்(ரஹ்) அதற்கும் அடுத்த தலைமுறை அறிஞர்கள் இவ்வாறே செயல்பட்டுள்ளனர், (ஆயினும்) இரு கைகளையும் தொப்புளுக்கு மேல் வைக்கவேண்டுமென் சிலரும், தொப்புளுக்கு கீழ் வைக்க வேண்டும் என்று சிலரும் கருதுகின்றனர்.(சிறந்தது) எது என்பதில் கருத்து வேறுபாடுகள் உள்ளன, இரு முறையுமே அவர்களிடம் ஆதாரபூர்வமானவைத்தான்.

இதில் இமாம் திர்மதி(ரஹ்) அவர்கள் நபித்தோழர்கள்(ரலி), தாபீன்கள்(ரஹ்), அதற்கும் தலைமுறை அறிஞர்கள் என அவர்களின் காலம் வரை உள்ள ஒட்டு மொத்த அனைவரையும் சேர்த்து கூறுகிறார்கள் என்றால் இதைவிட ஒரு பெரிய ஆதாரம் வேண்டுமா என்ன? இந்த ஒரு வார்த்தையை வைத்து ஒற்றுமை ஏற்படுத்துவது ஒரு முஸ்லிமாக இருக்க முடியும், இல்லை அவன் முனாபிக் தான்.

தமிழ் நாட்டில் மாற்றம் வேண்டும் என்பதற்காக தந்தைக்கும் பிள்ளைக்கும், கணவன் மற்றும் மனைவிக்கும், உறவினர்களுக்கும் எனக்கும், எனக்கு என் நண்பர்களுக்கும், எனக்கு அண்டை வீட்டுக்காரர்களுக்கும் சண்டை ஏற்படுத்தி பசுத்தோல் போர்த்திய புலிப் போல் வேட்டையாடி கொண்டு இருக்கின்றீர்கள்.

அதே போல் அபூஜஃபர் அர்ராஸி(ரஹ்) இமாம்கள் கூறியுள்ளதையும் விளக்கி இருக்க வேண்டும்,

அபூஜஃபர் அர்ராஸி(ரஹ்)அவர்களைப் பற்றி:

அபூஜஃபர் அர்ராஸி(ரஹ்) அவர்கள் ஹிஜ்ரி 90 -ல் பஸ்ராவில் பிறந்தவர்கள், இவருக்கு அப்துல்லா இப்னு அபூஜஃபர் அர்ராஸி(ரஹ்) என்ற மகன் இருந்தார்கள், இவர் தாபின்கள் இடம் வரிசையில் இடம் பெற்றுள்ளார்கள், மேலும் இவருடைய ஆசிரியர்கள் அனைவரும் மிகப் பெரிய மார்க்க அறிஞர்கள் ஆவார்கள், 

 அபூஜஃபர் அர்ராஸி(ரஹ்) ஆசிரியர்கள்:

இவர்களின் மார்க்க அறிஞர்களான  ஆசிரியரான ஹுசைன் பின் அப்துர் ரஹ்மான்(ரஹ்) என்ற அறிஞர் அனஸ் பின் மாலிக்(ரலி), அம்மாரா(ரலி) மற்றும் அப்துல்லா இப்னு ஷத்தாத்(ரலி) அவர்களிடம் மாணவராய் இருந்தவர்கள்.

மேலும் மற்றொரு ஆசிரியரான ஹமித்(ரஹ்) அவர்கள் அனஸ் பின் மாலிக்(ரலி) அவர்களிடம் மாணவராய் இருந்தவர்கள்,

மேலும் மற்றொரு ஆசிரியரான அல் ரபி(ரஹ்) அவர்கள் அனஸ் பின் மாலிக்(ரலி) அவர்களிடம் மாணவராய் இருந்தவர்கள்,

மேலும் மற்றொரு ஆசிரியரான  அபூ முஹம்மது(ரஹ்) அவர்கள் அனஸ் பின் மாலிக்(ரலி), அப்துல்லா பின் அபி அவ்பா(ரலி) அவர்களிடம் மாணவராய் இருந்தவர்கள்,

மேலும் மற்றொரு ஆசிரியரான அதா(ரஹ்) அவர்கள் அனஸ் பின் மாலிக்(ரலி), அப்துல்லா பின் அபி அவ்பா(ரலி) அவர்களிடம் மாணவராய் இருந்தவர்கள்,

அபூஜஃபர் அர்ராஸி(ரஹ்) பற்றி இமாம்கள்:

இமாம் தபரி(ரஹ்) இமாம் சூயுத்தி(ரஹ்): இவரை நம்பகமானவர் பட்டியலில் இணைத்துள்ளார்கள். தமது குர்ஆன் விளக்க உரையில்  ஹதிஸ்கள் இவரின் வழியாகவும் பதிவு செய்துள்ளார்கள்

இமாம் யஹ்யா பின் மயீன்(ரஹ்): இவரை நம்பகமானவர் பட்டியலில் இணைத்துள்ளார்கள்.

இமாம் அபூஹாதம்(ரஹ்): இவரை நம்பகமானவர் பட்டியலில் இணைத்துள்ளார்கள்.மேலும் நேர்மையானவர் என்றும் கூறியுள்ளார்கள்.

இமாம் முஹம்மது பின் உஸ்மான் பின் அபிஷைபா(ரஹ்): இவரை நம்பகமானவர் பட்டியலில் இணைத்துள்ளார்கள்.

அம்ர்(ரஹ்): இவரை நம்பகமானவர் பட்டியலில் இணைத்துள்ளார்கள்.

இமாம் ஹாகிம்(ரஹ்): இவரை நம்பகமானவர் பட்டியலில் இணைத்துள்ளார்கள்.

இமாம் தஹபி(ரஹ்): இவரை நம்பகமானவர் பட்டியலில் இணைத்துள்ளார்கள்.

இமாம் ஹைதமி(ரஹ்): இவரை நம்பகமானவர் பட்டியலில் இணைத்துள்ளார்கள்.

இவருக்கு ஈஸா பின் மஹான்(ரஹ்) என்ற அழகிய பெயராலும் அழைக்கப்பட்டார்கள்.

இமாம் அபூஜஃபர் அர்ராஸி(ரஹ்) அவர்கள் ஹிஜ்ரி 160-ல் அல்லாஹ்விடம் சேர்ந்தார்கள், 

நாமும் மற்றொரு வழியில் அபூஜஃபர் அர்ராஸி(ரஹ்) அவர்கள் நம்பிக்கையானவர்கள் தான் என்று எடுத்து வைத்துள்ளோம், இன்னும் சில இமாம்கள் அபூஜஃபர் அர்ராஸி(ரஹ்) அவர்கள் நம்பிக்கையானவர், ஆனால் நினைவற்றால் மட்டும் குறைந்தவர் ஆவார்கள் என்றும் கூறியுள்ளார்கள்,


இதில் இமாம் அபூஹாதிம்(ரஹ்) அவர்கள் ஹதிஸ்களை அறிவிப்பாளர்களைப் பற்றி மிக துல்லியமாக கணக்கிடுப்பவர்கள், மிகவும் திறமையானவர்கள் என்று பெரும்பாலான மார்க்க அறிஞர்கள் அறிவித்துள்ளார்கள், இமாம் அபூஹாதிம்(ரஹ்) அவர்களும் அபூஜஃபர் அர்ராஸி(ரஹ்)  அவர்களைப் பற்றி நம்பிக்கையான தளத்தில் இணைத்து உள்ளார்கள் என்றால் இன்னும் அந்த ஹதிஸ் கூடுதலாக வலுமையடைகிறது.

இமாம் ஷாஃபி(ரஹ்) அவர்கள் அபூஜஃபர் அர்ராஸி(ரஹ்) அவர்களை நம்பிக்கையான பட்டியலில் இணைத்துள்ளார்கள், இமாம் ஷாஃபி(ரஹ்) அவர்களின் பெயரை கேட்டாலே வெறுக்கிறார்கள், ஏன் அவர்கள் தாபின்களின் வரிசையில் வரவில்லையா? ஸஹிஹ் ஸித்தா அழைக்கப்படும் இமாம் புஹாரி(ரஹ்),இமாம் முஸ்லிம்(ரஹ்),இன்னும்  பல இமாம்களுக்கு முன் பிறக்கவில்லையா? அவர்கள் அறிவித்த ஹதிஸ் ஏற்க கூடாது என்று சொல்வது அர்த்தமற்றது, இமாம் அபூஹனிபா(ரஹ்),இமாம் ஷாஃபி(ரஹ்) அவர்களின் பெயரை கேட்டால் இன்று சில முஸ்லிம்கள் வெறுக்கிறார்கள், அந்த அளவு அவர்களின் முகப்பத்தை மனதில் இருந்து எடுத்து விட்டார்கள், ஆனால் இமாம் அஹ்மது(ரஹ்),இமாம் மாலிக்(ரஹ்) அவர்கள்  ஹதிஸை மதிக்கிறார்கள், ஆனால் அதே சமயத்தில் அவர்களை மறைமுகமாக மிதிக்கிறார்கள். இந்தியாவில் பெரும்பான்மையான முஸ்லிம்கள் இமாம் அபூஹனிபா(ரஹ்),இமாம் ஷாஃபி(ரஹ்) அவர்களின் தொகுத்த கித்தாபின் அடிப்படையில் உள்ள ஹதிஸ்களின் படி அமல்களை செய்து கொண்டு இருந்தார்கள், ஆனால் கருத்து வேறுபாடு அவர்களுக்கிடையே இருந்தாலும் மக்கள் சண்டை சச்சரவு என்று தெருவிற்கு தெரு, ஊருக்கு ஊரு என்று மேடை ஏறி விமர்ச்சியது இல்லை, ஆனால் இன்று ஹதிஸ்கள் ஆய்வுகள் என்ற பெயரில் தனது மத்ஹபை பின்பற்றுவதற்காக அடுத்தவரை குறையை ஆராயந்து வயிற்று பிழைப்பை நடத்தி கொண்டு இருப்பது தான் உணமை, பிறரின் குறைகளை ஆராய்தீர்கள், குறை கூறி திரிபவருக்கு கேடு தான் மற்றும் உங்களின் முன்சென்ற நல்லவர்களைப் பற்றி பேசாதீர்கள் என்று அல்லாஹ் சொல்வதேல்லாம் இவர்களுக்கு தெரியுமா? அல்லது தெரியாதா?

மறுப்பவர்கள் வைக்கும் விமர்சனங்கள்:

//‘சுபஹ் குனூத்’ ஓதும் மௌலவிகளே! அல்லாஹ்வின் தூதரோ! அவர்களின் நல்வழி நடந்த நாட்பெரும் கலீபாக்களோ சுபஹ் தொழுகையில் ‘குனூத்’ ஓதவில்லை என அறிவிக்கும் நபித்தோழரின் செய்தியை அமுல் செய்யாது நீங்கள் சார்ந்திருக்கும் மத்ஹபின் தீர்ப்பை அமுல் செய்வது பெரும் கொடுமை அல்லவா ?//

நமது  பதில்:

இங்கு தான் இவர்களின் பித்தலாட்டத்தை காணமுடிகிறது.

நான்கு கலீபாக்களின் ஒருவரான இறை நம்பிக்கையாளரின் தலைவர் உமர்(ரலி), உஸ்மான்(ரலி), அலி(ரலி) ஆகிய ஆட்சியில் அவர்கள் ரமலானின் 20 ரக்கத்து தொழுது உள்ளதாக ஆதாரபூர்வமான ஹதிஸ்கள் இருந்தும், பல மாபெரும் இமாம்களும் விளக்கம் அளித்துள்ளார்கள் , அதற்கு அடையாளம் தான் இன்று மக்காவில் 20 ரக்கத்து நடைப் பெற்று கொண்டு இருக்கிறது, 20 ரக்கத்து இல்லை என்று வாதாடினால் அது எப்படி வந்தது என்பதை விளக்கவும், ஆனால் பல மேடைகளில் சகபாக்களைப் பின்பற்ற வேண்டும், சகபாக்களைப் பின்பற்றுவது வழிகேடு அல்ல என்று சொல்லி சுன்னத் ஜமாத்தினர் 20 ரக்கத்து தொழுவது தவறு வாதாடுவது எதற்கு?, சகபாக்களைப் பின்பற்ற வேண்டும் என மேடை ஏறி பேசினால் மட்டும் போதாது அதை அமல் படுத்த வேண்டும், அப்படி என்றால் சகபாக்களை சில கருத்துகளை ஏற்று சில கருத்துகள் மறுக்கிறீர்களா? இதைப் பற்றி அல்லாஹ் திருகுர்ஆனில் 

 (அப்படியென்றால்) நீங்கள் வேதத்தில் சிலதை நம்பி சிலதை மறுக்கிறீர்களா? எனவே உங்களில் இவ்வகையில் செயல்படுகிறவர்களுக்கு இவ்வுலக வாழ்வில் இழிவைத் தவிர வேறு கூலி எதுவும் கிடைக்காது. மறுமை(கியாம) நாளிலோ அவர்கள் மிகக் கடுமையான வேதனையின்பால் மீட்டப்படுவார்கள்; இன்னும் நீங்கள் செய்து வருவதை அல்லாஹ் கவனி;க்காமல் இல்லை.(2:85)

மேலுல் சில மத்ஹப் அவர்களும் இந்த கேள்வியை உங்களிடம் கேட்டு உள்ளார்கள், இன்னும் நீங்கள் அதற்கு பதில் அளிக்கவில்லை, ஏன் இந்த இரட்டை வேடம்? உள் ஒன்று வெளி ஒன்று பேசுவது முனாஃபிக் தனம் என்பதை தங்களுக்கு தெரியாதா?.

சுபஹ் தொழுகையில் குனூத் ஒதுவது, நபித்தோழர்கள்(ரலி) யாரும் அமல் செய்யவில்லையா?

சகபாக்கள் யாரும் அமல் செய்யவில்லை என்பது மாபெரும் பொய், உண்மையை பொய்யுடன் கலக்காதீர்கள்,

  அபூ ஹுரைரா(ரலி) அவர்கள் "அல்லாஹ்வின் மீதாணையாக! கிட்டத்தட்ட அல்லாஹ்வின்தூதர் (ஸல்) அவர்கள் தொழவைத்ததைப் போன்றே நான் உங்களுக்குக் தொழ வைக்கிறேன்' என்று கூறினார்கள். அபூ ஹுரைரா(ரலி) லுஹர், இஷா, ஸுபுஹ் தொழுகைகளின் கடைசி ரக்அத்துகளில் 'ஸமிஅல்லாஹு லிமன் ஹமிதா' என்று கூறியபிறகு குனூத் ஓதுவார்கள். அதில் இறைநம்பிக்கையாளர்களுக்காக பிரார்த்திப்பார்கள். இறைமறுப்பாளர்களைச் சபிப்பார்கள்  என அபூ ஸலமா(ரஹ்) அறிவிக்கிறார்கள்(இமாம் புஹாரி(ரஹ்), இமாம் முஸ்லிம்(ரஹ்))

இமாம் புஹாரி(ரஹ்), இமாம் முஸ்லிம்(ரஹ்) சேர்த்து அறிவித்துள்ளார்கள் என்றால் இது ஆதாரபூர்வமான ஹதிஸ் என்பது மேலும் உறுதியாகின்றது.

மேலும் நீங்கள் உங்கள் வாயிலே கூறியுள்ளீர்கள்.

//ஒரு ஹதீஸ் புகாரி, முஸ்லிம் அல்லாத வேறு கிரந்தங்களில் இடம் பெறுமானால் அதனை ஆய்வின்றி உலகில் எந்த அறிஞரும் ஏற்றுக் கொள்வதில்லை//

அப்போ இமாம் புஹாரி(ரஹ்), இமாம் முஸ்லிம்(ரஹ்) அவர்கள் இடம் பெற்றிருக்கும் அபூ ஹுரைரா(ரலி) அவர்கள் அறிவிக்கும் இந்த ஹதிஸ் ஆய்வின்றி ஏற்று கொள்வதாக நீங்களே கூறிவிட்டீர்கள்,

சரி இதில் சிலர் கேட்கலாம், அபூ ஹுரைரா(ரலி) அவர்கள் லுஹர், இஷா, ஸுபுஹ் தொழுகையில் தொழுதுள்ளார்களே, இமாம் ஷாஃபி(ரஹ்) மத்ஹப் காரர்கள் தொழ மாட்டீ கிறார்கள் என்று கேள்வி கேட்கலாம், அதற்கு நீங்கள் அமல் செய்தால் அல்லது செய்ய தயார் என்றால் அவர்களும் செய்வார்கள், இதில் என்ன சந்தேகம், அவர்களும் செய்வது தவறு ஒன்றுமில்லை ஏனென்றால் நபி(ஸல்) அவர்கள் சுபஹ் தொழுகைக்கு மட்டும் தொழ வைத்தார்கள் என்றும் ஹதிஸில் இடம் பெற்றுள்ளது.அபூஜஃபர் அர்ராஸி(ரஹ்) வழியாக வரும் அறிவிப்புகளில் நபி(ஸல்) அவர்கள் சுபஹ் தொழுகையில் ஒதினார்கள் என்றும், சுபஹ் தவிர மற்ற தொழுகையில் குனூத் ஓதமால் இருந்தார்கள் என்றும் இடம் பெற்றுள்ளது.அபூஜஃபர் அர்ராஸி(ரஹ்) அவர்கள் நம்பகமானவர் என்பதால் இமாம் ஷாஃபி(ரஹ்) அவர்கள் சுபஹ் தொழுகையில் மட்டும் அமல் செய்யலாம்  என்று கூறியுள்ளார்கள், அதனால் எந்த ஹதிஸ் செய்ல் படுத்தினாலும் தவறு இல்லை, 


அபூஹூரைரா (ரலி) அவர்கள் "அல்லாஹ்வின் மீதாணையாக! என்ற வாசகத்தை பயன் படுத்தி கூறியுள்ளார்கள்,  மேலும் நான் உங்களுக்கு தொழ வைக்கின்றேன் என்ற வாசகத்தை பயன் படுத்திருக்கின்றார்கள், இதில் இரண்டு விதமான மக்களைப் பார்த்து குறிக்கும். 1) நபித்தோழர்கள்(ரலி) 2) தாபின்கள்(ரஹ்)

நபித்தோழர்களும்(ரலி), தாபின்களும்(ரலி) மறுப்பு தெரிவிக்கவில்லை, அப்படி தெரிவித்து இருந்தால் ஹதிஸ் சமர்க்கப்பட வேண்டுமாறு கேட்டு கொள்கிறேன், உங்கள் கூற்றுபடி அபூ ஹுரைரா(ரலி) அவர்கள் பித்அத் வாதி என்று உங்களால் கூற முடியுமா? 

ஆனால் இமாம் ஷாஃபி(ரஹ்) அவர்கள் இதன் அடிப்படையில் ஆதாரம் தொகுத்து இருக்கலாம் அல்லவா? இமாம் ஷாஃபி(ரஹ்) அவர்களின் ஆசிரியர் யாராவது இமாம் ஷாஃபி(ரஹ்) அவர்களுக்கு அபூஹுரைரா(ரலி) அவர்கள் அறிவிக்கும் ஹதிஸ் அறிவித்திருக்கலாம் அல்லவா?, இதன் அடிப்படையில் இன்றைய உலகத்தில் வாழும் இமாம் ஷாஃபி(ரஹ்)மத்ஹப் வினர் எடுத்து அமல் செய்வது என்ன தவறு?

உங்கள் மத்ஹப் விற்கு மாற்றமாக உங்கள் மனதுக்கு சரியாக படவில்லை இருப்பதற்காக மற்றவர்களை ஏசுவதா?

யார் சகபாக்களைப் பின்பற்றிக்கின்றார்கள்? யார் அவமாரியாதை செய்கின்றார்கள். சகபாக்களைப் பின்பற்றுவது வழிகேடு அல்ல என்று உங்கள் இணைய தளத்தில் பல்வேறு இடங்களில் சுட்டி காட்டியுள்ளீர்கள், அப்படி  இருக்கும் போது ஏன் இந்த குழப்பத்தை மக்கள் இடையே ஏற்படுத்தி கின்றீர்கள், குழப்பம் ஏற்படுத்துவது கொலை செய்வது கொடியதாகும் என்ற அல்லாஹ் கூறுவதெல்லாம் உங்களுக்கு தெரியாதா என்ன?

அபூஹுரைரா(ரலி) அவர்கள் சுயமாக செய்தார்களா?

இல்லை,


நபி(ஸல்) அவர்கள் ஒரு கூட்டத்திற்கு ஆதரவாகவோ, அல்லது ஒரு கூட்டத்தை சபித்தோ பிரார்த்திக்கும் போது தவிர குனூத் ஓத மாட்டார்கள் என அனஸ்(ரலி) அவர்கள் அறிவிக்கின்றார்கள்.

எனவே அபூஹுரைரா(ரலி) அவர்கள் சுயமாக செய்யவில்லை, நபி(ஸல்) அவர்களின் சுன்னத்தை தான் அமல்படுத்தினார்கள், அந்த நபி(ஸல்) அவர்களின் சுன்னத்தை நாமும் அமல் படுத்தலாம் எனபதில் எந்தவித சந்தேகமும் இல்லை. இமாம் ஷாஃபி(ரஹ்) அவர்களின் கூற்றும் சரியானதாகும், 

அபூஹுரைர(ரலி) அவர்கள் அறிவிக்கும் அந்த செய்தியை வைத்து அதனால் தான் இமாம் முஸ்லிம்(ரஹ்) அவர்களும், இமாம் நவவி(ரஹ்) அவர்கள் முஸ்லிம்களுக்கு சோதனை ஏற்பட்டால் குனூத் ஓதுதல் சுன்னத் என்ற தலைப்பை  பதிவு செய்துள்ளார்கள்,  அதனால் முஸ்லிம்களுக்கு துன்பம் ஏற்படும் போது ஓதலாம் எனபதில் எந்த வித தவறும் இல்லை.

வித்ரு குனூத்தில் ஆமின் கூறலாமா?

கூறலாம், தவறு ஒன்றுமில்லை, 

நபி(ஸல்) அவர்கள்(குனூத்) துஆ செய்யும் போது பின்னர் நின்ற அனைத்து சகபாக்களும் ஆமின் கூறினார்கள் என இப்னு அப்பாஸ்(ரலி) அவர்கள் அறிவிக்கிறார்கள்(இமாம்  அபூதாவுத்(ரஹ்)


மறுப்பவர்கள் வைக்கும் விமர்சனங்கள்:

//நபி (ஸல்) அவர்கள் ‘சுபஹ்’ தொழுகையில் இரண்டாவது ரகஅத்தில் ருகூவில் இருந்து நிலைக்கு வந்ததும் இந்த ‘அல்லாஹும்மஹ்தனீ பீமன் ஹதைத்த… என்ற துஆவை ஓதுவார்கள்//

நமது  பதில்:

ஆனால் சுபஹ் தொழுகை என்ற வார்த்தை இடம் பெறாமல் வந்துள்ளது. நபி(ஸல்) அவர்கள் வித்ரு தொழுகையில் இந்த குனூத் ஒதிவுள்ளார்கள் என்பது தெளிவாக பல்வேறு கித்தாபுகளில் உள்ளது, 

ஸஹிஹ் ஸித்தா என்று அழைக்கப்படும் இமாம் புஹாரி(ரஹ்),இமாம் முஸ்லிம்(ரஹ்),இமாம் திர்மதி(ரஹ்),இமாம் அபூதாவுத்(ரஹ்),இமாம் இப்னுமஜா(ரஹ்),இமாம் நஸாயி(ரஹ்), ஆகிய ஆறு ஹதிஸ் நூல்களில் நான்கு ஹதிஸ் நூல்களில் இடம் பெற்றுள்ளது, அந்த ஹதிஸ் நூல் இமாம் திர்மதி(ரஹ்),இமாம் அபூதாவுத்(ரஹ்),இமாம் இப்னுமஜா(ரஹ்),இமாம் நஸாயி(ரஹ்) ஆகிய நூல்களில் இடம் பெற்றுள்ளது, இந்த நான்கு இமாம்களும் ஸஹிஹ் வான தரத்தில் பதிவு செய்துள்ளார்கள், யார் மதஹப் வெறி பித்து பிடித்து அலைக்கின்றார்கள் இந்த கட்டுரையை படித்தவர்கள் அறிவார்கள்.உண்மையை மறைப்பது யார் என்று அவர்களே தெரிந்து கொள்ளட்டும்

மேலும் வித்ரு தொழுகையில் அல்லாஹும்மா இன்ன நஸ்தயினுக.. என்ற ஹனபி இமாம்கள் ஓதும் வித்ரு குனூத் உமர்(ரலி) அவர்கள் வித்ரு தொழுகையில் ஓதினார்கள் என்ற ஆதாரபூர்வமான ஹதிஸ் இமாம் பைஹகி(ரஹ்),இமாம் அப்துர் ரஜாக்(ரஹ்),இமாம் இப்னு அபிஷைபா(ரஹ்),இமாம் தஹவி(ரஹ்) போன்ற இமாம்கள் பதிவு செய்துள்ளார்கள்,

இன்னும் பல துஆக்கள் ஓதினதாக ஹதிஸ்களில் இடம் பெற்றுள்ளது.

இன்சா அல்லாஹ்..மேலும் விவரங்கள் வித்ரு தொழுகை ஹனிபி என்ற கட்டுரையில்  அதன் அறிவிப்பாளர்களுடன் விரைவில் காணாலாம் 

நபி(ஸல்) அவர்கள் சுபஹ் தொழுகையில் குனூத் ஓதவில்லைப் பற்றிய பாடம்:

அபூமாலிக் அல்அஷ்ஜயீ (ரழி) அவர்கள் தனது தந்தையிடம் தந்தையே! தாங்கள் முஹம்மத் நபி (ஸல்) அவர்களுக்குப் பின்னாலும், அபூபக்கர்(ரலி) உமர்(ரலி) உஸ்மான்(ரலி) கூபாவில் கிட்டத்தட்ட ஐந்து வருடங்கள் அலி(ரலி) ஆகியொருக்குப் பின்னாலும் தொழுதிருக்கிறீர்கள், அவர்களில் ஒருவராவது பஃஜ்ரில் குனூத் ஓதினார்களா? எனக் கேட்டேன். அதற்கு மகனே! அது புதிய வழிமுறையாகும் எனப் பதிலளித்தார்கள்(இமாம் திர்மதி(ரஹ்),இமாம் இப்னுமஜா(ரஹ்), இமாம் அஹமது(ரஹ்),இமாம் நஸாயி(ரஹ்)

இந்த ஹதிஸ் ஆதரபூர்வமானதாகும். பெரும்பான்மையான ஹதிஸ் நூல்களில் இடம் பெற்றுள்ளது,

கூஃபாவில் பிறந்த இமாம் அபுஹனிபா(ரஹ்) அவர்கள் அலி(ரலி) அவர்களின் வழியாக இந்த ஹதிஸ் பதிவு செய்துள்ளார்கள், அலி(ரலி) அவர்களின் மாணவரின் மகன் தான் இமாம் அபுஹனிபா(ரஹ்) அவர் ஆவார்கள், அதானல் அலி(ரலி) அவர்கள் சுபஹ் தொழுகையில் குனூத் ஓதவில்லை என்று ஆதாரபூர்வமான ஹதிஸ் மூலமாக இடம் பெற்றுள்ளது,இமாம் அபுஹனிபா(ரஹ்) அவர்கள் அலி(ரலி) அவர்கள் மூலமாக இச்செய்தியை அறிவிப்பு செய்து உள்ளார்கள், இதனால் ஹனபி மத்ஹப் வினர் சுபஹ் தொழுகையில் குனூத் ஓதுவதில்லை,

ரிஃல், தக்வான் ஆகிய கூட்டத்தினருக்கு எதிராக நபி(ஸல்) அவர்கள் ஒரு மாதம் குனூத் ஓதினார்கள் என அனஸ்(ரலி) அவர்கள் அறிவிக்கிறார்கள்(இமாம் புஹாரி(ரஹ்)

மேற் கண்ட  ஹதிஸ் இப்னு அப்பாஸ்(ரலி) அவர்கள் வழியாகவும் அறிவிக்கப்பட்டுள்ளது, 

நபி(ஸல்) அவர்கள் ஒரு மாத காலம் மட்டும் தான் ஓதினார்கள் என்றும் அதற்கு பிறகு ஓதவில்லை என்றும் குறிப்பிடப்பட்டுள்ளது, 


கருத்து வேறுபாடுகளின் முடிவு:

சுபஹ் தொழுகையில் குனூத் ஓதுவது சம்பந்தமாக இரு வேறுக்கருத்துகள் உள்ளன.மற்றொரு வழியில் நபி(ஸல்) அவர்கள் ஒருமாத தொழுகையில் மட்டும் தான் ஓதினார்கள் அதன் பிறகு ஓதவில்லை என்று மற்ற வழியிலும் ஆதரபூர்வமான ஹதிஸ் மூலமாக  நிருபிக்கப் பட்டுள்ளது.மற்றொரு வழியில் நபி(ஸல்) அவர்கள் சுபஹ் தொழுகையில் ஓதினார்கள் என்று உள்ளது, மார்க்க அறிஞர்களுக்கிடையே கருத்து வேறுபாடு உள்ளது இரு வேறு கருத்துகளும் சரியாகும், சுபஹ் தொழுகையில் குனூத் ஓதுவது தவறுமில்லை, ஓத வேண்டும் என்று கட்டாயமும் இல்லை. செயல்கள் அனைத்து எண்ணத்தே பொறுத்தே அமைக்கின்றன.

இமாம்களுக்கிடையே கருத்து வேறுபாடு உள்ளது அனைத்து இயக்கத்தில் உள்ளவர்களுக்கும் நன்கு தெரியும், அதை காரணம் பயன்படுத்தி அதாவது இமாம்களின் கருத்து வேறுபாட்டை பயன்படுத்தி மக்கள் உடையே பணம் பெற்றுக் கொண்டு வயிற்று பிழைப்பிற்காக நூலை விற்று சம்பாதிப்பவர்களும் மக்களுக்கிடையே பிரிவினை ஏற்படுத்தி வயிற்றை நிரப்புவர்களும் நரக நெருப்பை பயந்து கொள்ளுங்கள்.